Açiq mənbələrdən foto.
Bakı/11.12.20/Turan: Dekabrın 10-na keçən gecə Ermənistanın Tavuş rayonunun sərhəddə yerləşən Berdavan kədində azərbaycanlı saxlanılıb. Yerli sakinlərin sözlərinə görə, o, səhər tezdən kənd çörəkxanası yaxınlığında görülüb. Saxlanılan şəxs Ermənistanın Milli Təhlükəsizlik Xidmətinə təhvil verilib.
Öz növbəsində, DTX sərhədi qanunsuz keçmə faktı ilə bağlı cinayət işi açıldığını bildirib. Saxlanılan şəxsin adı hələlik açıqlanmır.
"Biz şəxsin Ermənistanın dövlət sərhədini keçməsi barədə operativ məlumat aldıq. Axtarış işləri zamanı o tapılıb və saxlanılıb. Cİnayət işi açılıb, o, şübhəli şəxs statusundadır", deyə Sputnik Armenia MTX nümayəndəsindən sitat gətirir.
Azərbaycan tərəfi hələlik bu faktla bağlı şərh verməyib. Qeyd edək ki, Berdavan kəndi Azərbaycanın Qazax rayonunun Kəmərli kəndi ilə həmsərhəddir. -02D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz