Leyla Abdullayeva. Açiq mənbələrdən foto.
Bakı/21.04.21/Turan: Ermənistan Xarici İşlər Nazirliyinin guya prezident İlham Əliyevin bu ölkənin ərazi bütövlüyünə qarşı bəyanatında səslənən təhdidlərə dair iddiaları tutarsız və yalandır. Ermənistan üçtərəfli bəyanatın bəndlərini yerinə yetirmək əvəzinə dünya birliyini aldatmağa çalışır. Azərbaycan Xarici İşlər Nazirliyinin rəsmi nümayəndəsi Leyla Abdullayeva Ermənistan Xarici İşlər Nazirliyinin dünənki bəyanatını belə şərh edib.
O deyib ki, Azərbaycan prezidenti 20 aprel tarixli müsahibəsində Azərbaycana qarşı Ermənistanda baş qaldıra biləcək revanşizmdən və ərazi bütövlüyümüzə ola biləcək təhdidlərdən bəhs edib. Ermənistan Xarici İşlər Nazirliyi İlham Əliyevin dediklərini Yerevan üçün əlverişli şəkildə təhrif və təqdim etməyə çalışır.
“Əgər mümkün təhdidi təsbit etsək, onu məhv edəcəyik... çünki bu, milli müdafiədir, milli təhlükəsizlik məsələsidir” , - dövlət başçısı vurğulayıb.
Bu sözlər Ermənistanın ərazi bütövlüyünə təhdid deyil, əksinə Ermənistan tərəfindən Azərbaycanın beynəlxalq tanınmış sərhədləri çərçivəsində ərazi bütövlüyünə ola biləcək hər hansı təhdidi cavablandırmaq qətiyyətimizin göstəricisidir, Abdullayeva deyib.
İlham Əliyev eyni zamanda Azərbaycanın əməkdaşlığa hazır olduğunu söyləyib, Ermənistanın azərbaycanlılara qarşı dövlət səviyyəsində törətdiyi soyqırımı və tarixi, mədəni, dini abidələrimizin dağıdılmasına rəğmən bizim gələcəyə baxmalı olduğumuzu vurğulayıb.
“Dəfələrlə və ən yüksək səviyyədə bəyan edildiyi kimi, Azərbaycan beynəlxalq hüququn prinsipləri, xüsusilə də dövlətlərin suverenliyi, ərazi bütövlüyü və beynəlxalq sərhədlərin toxunulmazlığı əsasında Ermənistanla münasibətlərin normallaşdırılmasına hazırdır. 10 noyabr 2020 və 11 yanvar 2021-ci ildə imzalanmış üçtərəfli bəyanatların icrası da elə məhz buna xidmət edir. Ermənistan isə təəssüf ki, üçtərəfli bəyanatın icrası əvəzinə, yalan və iftira dolu fikirləri ilə həm öz əhalisini zəhərləyir, həm də beynəlxalq ictimaiyyəti yanıltmağa çalışır”, - Leyla Abdullayeva deyib. 06D-
Siyasət
-
“Müsavat” partiyası seçki məntəqələrində “karusel” əməliyyatının kütləvi hal aldığını bəyan edib. Partiyann press-relizinə əsasən, 17 saylı seçki dairəsinin 24 saylı məntəqəsində hətta Bakı şəhərində deyil, respublikanın rayonlarında qeydiyyatda olan şəxslər səs verir. 8 saylı seçki dairəsinin 31 saylı məntəqəsində qeydiyyatda olmayan şəxslər müəyyən edilib.
-
Azərbaycan Prezidenti İlham Əliyev bu gün Serbiyanın xarici işlər naziri Marko Curiçi qəbul edib. Görüşdə Əliyev deyib ki, Serbiya Azərbaycanın dostu və strateji tərəfdaşıdır, - dövlət başçısının saytı xəbər verir.
-
Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Leyla Əliyeva 7 saylı Səbail seçki dairəsinin Bakı şəhərindəki 6 nömrəli tam orta məktəbdə yerləşən 1 saylı seçki məntəqəsində səs veriblər, - deyə dövlət başçısının saytı xəbər verir.
-
Vəkil Fariz Namazlı avqustun 31-də saat 21.00 radələrində Dövlət Təhlükəsizliyi Xidmətinin əməkdaşları tərəfindən saxlanılıb. O, üç saatdan sonra gecə yarısı buraxılıb. E.Namazlının sözlərinə görə, o, cinayət işi üzrə şahid qismində dindirilib, amma hansı iş olduğu açıqlamayıb.
Rəy yaz