Media-icmal 21.04.21

Sərt karantinin mümkünlüyü, Rusiyanın Türkiyəyə qadağalarının səbəbləri, “Aİ-92” benzinə tələbatın azalması, vaksiynasiya prosesinin gedişi və sair məsələlər medianın aparıcı mövzuları sırasındadır.

“Yenisabah.az”  saytı  Azərbaycanda sərt karantin gəlir, əgər...əhaliyə müraciət edildi” sərlövhəli məqalədə COVİD-19 pandemiyası ilə bağlı vəziyyət dəyərləndirlir. 

İnfeksionist Ləman Qalimova bildirib ki, dünyada, eləcə də Türkiyədə yoluxma və ölüm halları artır, əgər Azərbaycanda da yoluxma və ölüm sayında artım müşahidə olunsa, karantin qaydalarının sərtləşdirilməsi qaçılmaz ola bilər.

Ləman Qalimovaya görə, çıxış yolu hər kəsin vaksinasiya olunmasında, qoyulan qaydalara ciddi yanaşmaqda və maskalardan mütəmadi istifadə edilməsindədir.

Hazırda Ramazan ay olduğunu yada salan infrksionist kütləvi şəkildə iftar süfrələrini təşkil etməyi məqbul saymır: “Yaxşı olardı ki, insanlar iftar süfrələrini öz evlərində yalnız ailə üzvlərinin iştirakı ilə açsınlar. Qaydalara ciddi riayət edilərsə, yoluxma sayında azalma olar və sərt karantin rejiminə keçidə ehtiyac qalmaz”, - Ləman Qalimova bildirir.

Müəllif son günlər Azərbaycanda COVID-19-a yoluxma və ölüm hallarında artım qeydə alındığını deyərək bildirib ki, rəsmi statistikaya əsasən, indiyədək ölkədə 301 661 nəfər virusa yoluxub. Onlardan 265 539 nəfər sağalıb. Virusdan ümumi ölüm halı isə 4 169 nəfər təşkil edib. Hazırda 31 953 aktiv COVID-19 xəstəsi var.

“Müsavat.com”  saytı isə “Rusiyanın turist qadağası: Türkiyə itkilərdən necə yayına bilər” sərlövhəli məqalədə Rusiya ilə Türkiyə arasında turizm münasibətlərini şərh edir.

Məsələnin mahiyyəti isə budur ki, Rusiya Türkiyədə COVİD-19 pandemiyasının sürətlə yayıldığını bəyan edərək Rusiya turistlərinə Türkiyəyə getməmək çağırışı edib.

İqtisadçı-ekspert Natiq Cəfərlinin fikrincə, Rusiyanın bu qərarı dünya ölkələrinin onunla münasibətlərində sərhədlərin çizilməsinə yardım edir: “Rusiya heç vaxt böyük dövlət olmayacaq, çünki çox cılız düşünür, çox düşük davranır. Gah pomidora qadağa qoyur, gah turistlərin qarşısını alır”, bu dövlətin cılız olduğunu vurğulayır.

Ekspert hesab edir ki, Rusiyanın Türkiyəyə turist səfərlərinə qadağa qoyması,  Ukrayna prezidentinin Türkiyəyə səfəri, Türkiyənin ”Krım Platformasına" qoşulduğunu da bəyan etməsi səbəb olub.

“Sfera.az” saytı isə "Aİ-92" markalı benzin keyfiyyətsizdir, ona görə də...” – ekspert benzin idxalının artmasını şərh edir” sərlövhəli məqalədə Azərbaycana “Aİ-95” markalı benzinin idxalının artmasını dəyrləndirir.

2021-ci ildə də Azərbaycana "Aİ-95" markalı ("Premium”) avtomobil benzininin idxalında artım davam edib: “Rəsmi məlumatlara əsasən, bu ilin yanvar-fevral aylarında 7,1 milyon dollar dəyərində 11 934 ton "Premium” benzin idxal edilib ki, bu da ötən ilin eyni dövrü ilə müqayisədə miqdar ifadəsində 78 faiz, dəyəri ifadəsində 28 faiz artım deməkdir”.

Müəllif deyir ki, bu dövrdə “Aİ-92” markalı benzinin istehsalı 28 faiz azalıb.

Maraqlıdır ki, bu dövrdə ölkəmizdə "Aİ-92” markalı benzinin istehsalı azalaraq 247,4 min tona düşüb.

Son 5 ildə “”Premium benzinin idxalı 2 dəfədən çox artıb, bu isə yerli məhsula tləb azalır. 

Avtomobil sahəsi üzrə ekspert Elməddin Muradlı hesab edir ki, “Premium” markalı benzinin idxalının artması “Aİ-92” markalı benzinin keyfiyyətsizliyidir.

Muradlı deyir ki, 2021-ci ilin yanvarın 4-də Aİ-92 bahalaşsa da keyfiyyətində dəyişiklik olmadı, elə keyfiyyətsizliyi səbəbindən sərfiyyat da çoxdur.

Ekspertə görə, mövcud vəziyyətin dəyişməyəcəyi halda idxal benzininin artımı davam edəcək.

“Modern.az”  saytı isə “Peyvənd olunmayanlara hansısa qadağa qanunsuz olar”- deputat sərlövhəli məqalədə ölkədə vaksinasiya prosesini Milli Məclisin Əmək və sosial siyasət komitəsinin sədri Musa Quliyevlə dyərləndirir.

Onun deməsinə görə, vaksinasiya insanların könüllü və şüurlu şəkildə, öz sağlamlığına münasibətini göstərən tibbi addımlardan biridir.

Komitə sədrinin fikrincə, vaksinasiyanı hansısa şəkildə stimullaşdırmaq, yaxud mükafatlandırmaq nə tibb qaydalarına uyğundur, nə də etik cəhətdən doğrudur”, - Musa Quliyev vurğulayıb.

O deyib ki, kimsə vaksin vurdurub buna ona xüsusi imtiyaz verilsin, kimsə vurdurmyıb, ona məhdudiyyətlər tətbiq olunsun kimi baxışlar doğru deyil.

Komitə sədri hesab edir ki, vaksinləşmə prosesinin davam etməsi üçün maarfiləndirmə prosesi davam etməlidir, bunun vacibliyi izah olunmalıdır.

Dünyanın virusdan nə zaman xilas olacağına gəlincə, komitə sədri deyir ki, hələ bu virususn 2022-23-cü illərə qədər davam edəcəyini deyənlər var. “Hesab edirəm ki, bizdə də proses nə qədər sürətlə gedərsə, sərt karantindən çıxma imkanalarımız bir o qədər artar” komitə sədri bildirib.