Açiq mənbələrdən foto.
Bakı/09.09.22/Turan: Ermənistan Milli Təhlükəsizlik Xidməti Azərbaycan kəşfiyyatı tərəfindən cəlb edilmiş Ermənistan Silahlı Qüvvələri zabitinin barəsində işi məhkəməyə göndərib.
Ermənistan Milli Təhlükəsizlik Xidmətinin məlumatına görə, zabit ayda 500 dolların müqabilində hərbi xarakterli məlumatları Azərbaycana verib.
44 günlük müharibə zamanı bu zabit reaktiv sistemlər bölməsinə rəhbərlik edib. O, qarşıya qoyulan vəzifələri qəsdən pozaraq bilərəkdən hədəfdən yan atəş açıb.
Məlumatların düşmənə ötürülməsi üçün ona məlumatların şifrələnmə proqramı olan telefon verilib. Təqsirləndirilən şəxs hərbi texnika, hərbi sursat, hərbi hissənin şəxsi heyəti, müharibə zamanı itkilər barədə məlumatları düşmənə ötürə bilib.
O 4000 dollara bölmənin döyüş hazırlığı planı, xəritələr və taktiki təlimatlar haqda məlumatları toplayıb, lakin onları ötürə bilməyib, çünki həbs olunub.
İstintaq zamanı məlum olub ki, saxlanılan şəxs müharibə zamanı hərbi texnikaya qəsdən ziyan vurub. Ümumilikdə, qurumun məlumatına görə, təkcə 2022-ci ildə dövlətə xəyanət faktı üzrə icraat çərçivəsində çərçivəsində 15 nəfərin barəsində 8 iş məhkəməyə göndərilib. 02D
Siyasət
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
Rəy yaz