Açiq mənbələrdən foto.
Ermənistanda iki azərbaycanlı hərbiçidən biri 11,5 il müddətinə həbs edilib
Bakı/08.05.23/Turan: Aprelin 9-da Ermənistan sərhədini keçən iki azərbaycanlı hərbiçidən biri - Aqşin Bəbirov barəsində bu gün hökm çıxarılıb.
Ermənistan KİV-lərinin məlumatına görə, Sünik bölgə məhkəməsi Bəbirovu 11,5 il müddətinə azadlıqdan məhrum edib.
O, dövlət sərhədini qanunsuz keçməkdə, odlu silah və döyüş sursatı qaçaqmalçılığında təqsirli bilinib. Elə həmin mənbələrin məlumatına görə, Bəbirov özünü təqsirli bilib.
İkinci hərbiçi Hüseyn Axundovun işi üzrə təhqiqat davam edir, o, Qafan şəhəri yaxınlığındakı müəssisələrdən birinin mühafizəçisini öldürməkdə ittiham olunur, bu barədə Ermənistan Baş Prokurorluğunun 8 may tarixli məlumatında bildirilir.
* Xatırladaq ki, aprelin 10-da Azərbaycan Müdafiə Nazirliyi Naxçıvan-Ermənistan sərhədində iki əsgərin itkin düşdüyü haqqında məlumat yayıb.
Sonradan onlardan biri Sünik vilayətinin Bnunis kəndinə gəlib və kömək üçün kənd sakinlərinə müraciət edib, ikincisi isə üç gün sonra Qafan şəhəri yaxınlığında saxlanılıb. Bu zaman ermənilər onu amansızca döyüblər, bunu videoya çəkib sosial şəbəkələrdə yerləşdiriblər. Bundan başqa, ikinci əsgər yerli müəssisənin mühafizəçisini öldürməkdə ittiham olunub. Ermənistan hakimiyyəti saxlanılan hər iki şəxsi diversiyaçı adlandırılıb. 02D
Siyasət
-
Bu gün “Toplum” İnternet televiziyasının əməkdaşı Cavid Ramazanov Bakı Şəhər Baş Polis İdarəsinə aparılıb.
-
Milli Məclisin sədri Sahibə Qafarova Monteneqroya rəsmi səfəri çərçivəsində bu ölkənin prezidenti Yakov Milatoviç ilə görüşüb.
-
Cümə günü ABŞ qanunvericilərinin ikipartiyalı qrupu insan hüquqlarının pozulmasına, o cümlədən siyasi müxalifətə zorakı repressiyalara görə Azərbaycanın yüksək vəzifəli məmurlarına qarşı sanksiyaların tətbiqini nəzərdə tutan qanun layihəsini təqdim edib, Turan-ın Vaşinqton müxbiri bildirib.
-
Cümə günü Janna Şahin və Cim Rişin rəhbərliyilə bir qrup amerikalı senator (12 həmkar) Gürcüstanın baş nazirinə məktub göndərib. Onlar öz maliyyələşməsinin 20 faizdən çoxunu xarici donorlardan aldığı təqdirdə qeyri-hökumət təşkilatlarını və müstəqil KİV-i "xarici agent" kimi qeydiyyatdan keçməyə məcbur edəcək qanun layihəsindən çox narahat olduqlarını bildiriblər. Turan-ın Vaşinqton müxbiri məumat verib.
Rəy yaz