Nikol Pashinyan
Bakı/19.04.22/Turan: Çərşənbə axşamı Ermənistanın baş naziri Nikol Paşinyan Rusiyaya iki günlük rəsmi səfərə gedib. Rəsmi məlumata görə, Paşinyan Ermənistan və Rusiya arasında "strateji müttəfiqlik münasibətlərini" müzakirə etmək üçün Rusiya prezidenti Vladimir Putinlə görüşəcək.
"Ermənistan, Rusiya və Azərbaycan liderlərinin 9 noyabr 2020, 11 yanvar, 20 noyabr 2021-ci il tarixli üçtərəfli bəyanatlarının yerinə yetirilməsi" nəzərdən keçiriləcək.
Aprelin 20-də Nikol Paşinyan həmçinin Rusiyanın baş naziri Mixail Mişustin, RF Dölvət Dumasının spikeri Vyaçeslav Volodin və RF Federasiya Şurasının sədri Valentin Matvienko ilə görüşəcək. Eyni zamanda, baş nazirin Nijnıy Novqoroda səfəri planlaşdırılır.
Ermənistan nümayəndə heyətinin tərkibinə baş nazir müavini Qriqoryan, Təhlükəsizlik Şurasının katibi Qriqoryan, XİN başçısı Mirzoyan, vitse-spiker Arşakyan, ədliyyə naziri Andreasyan, təhsil naziri Dumanyan daxildir.
Maraqlıdır ki, bu nümayəndə heyəti ilə eyni zamanda Ermənistanın hərbi nümayəndə heyəti də Moskvaya yola düşüb. Bu nümayəndə heyəti hərbi-iqtisadi əməkdaşlıq məsələləri üzrə İşçi Qrupun iclasında iştirak edəcək.
Nümayəndə heyətinin tərkibinə Ermənistan Müdafiə Nazirliyinin maddi-texniki təminat idarəsinin rəisi, XİN-in KTMT şöbəsinin rəisi, Ermənistan Təhlükəsizlik Şurasının hərbi təhlükəsizlik şöbəsinin rəisi, Ermənistan hərbi-sənaye komitəsinin keyfiyyətə nəzarət idarəsinin eksperti daxildir. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz