Ermənistanın Müdafiə Nazirliyi Vardenisdəki raket qurğularına zərbə endirildiyini təsdiq edib

Bakı/14.10.20/Turan: Ermənistanın Müdafiə Nazirliyi bu gün Azərbaycan SQ-nin Vardenis rayonundakı raket qurğularına zərbə endirdiyini təsdiq edib. Bu rayondan Gəncə və Mingəçevirə raket buraxılmışdı.

Amma Ermənistan tərəfi Gəncə və Mingəçevirə raketlərin Ermənistan ərazisindən buraxılması haqqında ittihamları təkzib edir. Yerevan cavab tədbirləri ilə təhdid edir.

Qeyd edək ki, 10-11-12 oktyabr tarixlərində Gəncə və Mingəçevirdə mülki obyektlər və energetika infrastrukturu dəfələrlə raket atəşinə məruz qaldıqdan sonra Bakı Ermənistan ərazisinə dərhal zərbə endirməyib.

Azərbaycan dəfələrlə bildirib ki, Ermənistan ərazisindən raket buraxılması cavab zərbəsi endirilməsini təhrik etmək və Bakını Ermənistana hücumda ittiham etmək məqsədi güdür. Yerevanın fikrincə, bu, ona KTMT-dən və Rusiyadan münaqişəyə müdaxilə etməyi xahiş etmək hüququ verəcək. -02D-