Ermənistanla Azərbaycan arasında sərhədin demarkasiyası ilə bağlı növbəti görüş Moskvada keçiriləcək

Bakı/23.08.22/Turan: Avqustun sonunda Moskvada Ermənistan və Azərbaycan arasında sərhədin demarkasiyası və təhlükəsizliyi üzrə komissiya üzvlərinin iclası keçiriləcək. Bu barədə Ermənistan baş nazirinin müavini Mher Qriqoryanın ofisi məlumat yayıb.

Qarşıdan gələn iclasın gündəliyi açıqlanmayıb.

İki ölkənin baş nazirinin müavinləri Mher Qriqoryan və Şahin Mustafayevin sonuncu görüşü mayın 24-də iki ölkənin sərhədində baş tutub.

Ötən gün Rusiyanın baş naziri Mixail Mişustin Qriqoryan və Mustafayevlə danışıqlar aparıb. Digərləri arasında Moskvada keçiriləcək üçtərəfli görüşün tarixi də müzakirə olunub.

Ənənəvi olaraq bu danışıqlarda Rusiya baş nazirinin müavini Aleksey Overçuk da iştirak edir. Bu qərar Rusiya, Azərbaycan və Ermənistan liderlərinin 2021-ci ilin yanvarında Moskvada keçirilən görüşündə qəbul edilib.

Azərbaycan 1988-ci ildə Ermənistan-Azərbaycan münaqişəsi başlayan zaman mövcud olan sərhədlər əsasında demarkasiya edilməsini zəruri hesab edir. Ermənistanın bu məsələdə dəqiq mövqeyi yoxdur, lakin İrəvanda ən çox 20-ci əsrin əvvəllərindəki sərhədlərdən danışırlar. -02D-