2016-cı ilin əsas vəzifəsi valyuta ehtiyatlarını qoruyub saxlamaq idi və bu məqsədə nail olunub, bu barədə dövlət başçısı İlham Əliyev Nazirlər Kabinetinin bugünki iclasında bildirib.
Onun sözlərinə görə, ötən ilin bütün vəzifələri yerinə yetirilib, "neft qiymətlərinin düşməsi ilə əlaqədar yaranmış böhran vəziyyətindən çıxış yolu tapılıb".
Əliyev deyib ki, 2016-cı ildə Azərbaycan əmin inkişafını davam etdirib, amma buradaca etiraf edib ki, neft qiymətlərinin 3-4 dəfə düşməsi ilə əlaqədar Azərbaycanın ÜDM-i azalıb.
O hesab edir ki, 2016-cı il tarixdə dərin iqtisadi islahatlar ili kimi qalacaq, qəbul edilmiş qərarlar qeyri-neft sektorunun inkişafına şərait yaradacaq.
Əliyevin sözlərinə görə, 2016-cı ildə Azərbaycana 8 mlrd. dollar xarici və 3,7 mlrd. dollar daxili investisiya olub. Ötən il əmək haqqı artımı 7%, təqaüd artımı 8% təşkil edib, turistlərin sayı 11% artıb.
Çıxışının sonunda Əliyev 2017-ci ili "İslam Həmrəyliyi İli" elan edib.
Xatırladaq ki, 2016-cı ildə ölkə ÜDM-in azalması təxminən 3%, inflyasiya isə 12% təşkil edib. –71D-
2017 Yanvar 10 (Çərşənbə axşamı) 12:29:21
Yanvarın 10-da prezident İlham Əliyevin sədrliyilə Nazirlər Kabinetinin 2016-cı ilin sosial-iqtisadi yekunları üzrə geniş iclası keçirilib.
Rəsmi məlumata görə, iclasda millətlərarası, multikulturalizm və dini məsələlər üzrə dövlət müşaviri Kamal Abdullayev, Dövlət Miqrasiya Xidmətinin rəisi Firudin Nəbiyev, ASAN xidmətinin rəhbəri İnam Kərimov çıxış ediblər.
İ.Əliyev öz çıxışı ilə iclasa yekun vurub.
İclasın təfərrüatları bir qədər sonra açıqlanacaq.-02D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz