![Fəalların istintaq təcridxanasındakı şəkilləri qəsdən yayılıb](https://turan.az/resized/media/2013/main/051400036088-750-500-resize.webp)
Fəalların istintaq təcridxanasındakı şəkilləri qəsdən yayılıb
“Üç gənc müxalifətçinin fotoşəkillərinin sosial şəbəkələrdə yayılmasının məqsədi qalan gənclərə psixoloji təzyiq göstərməkdən ibarətdir. Bu, qeyri-etik və yolverilməzdir”, deyə Milli Məclisin bugünki iclasında deputat İqbal Ağazadə bildirib.
Onun sözlərinə görə, fotoşəkillər hüquq-mühafizə orqanları tərəfindən çəkilib, daha sonra İnternetdə yayılıb, çünki başqa heç kimin istintaq təcridxanasına çıxışı yoxdur.
Buna cavabda parlamentin spikeri Oqtay Əsədov bildirib ki, sözlə bəyanatlar vermək yerinə, məsələni faktlarla aydınlaşdırmaq lazımdır.
Bu dialoq 10 günlük həbs cəzası almış AXCP gənclər komitəsinin sədri Əbülfəz Qurbanlının, NİDA hərəkatının idarə heyətinin üzvü Turqut Qəmbərin və fəal İlkin Rüstəmzadənin fotoşəkillərinin sosial şəbəkələrdə yayılması ilə bağlı yaranıb.
Naməlum səbəblərdən bu fotoşəkillər özünü hüquq müdafiə saytı adlandıran səhifələrdən birində, daha sonra isə bir çox hökumətyönlü resurslarda yayılıb. Müşahidəçilər hesab edirlər ki, bu faktlar hakimiyyətin vətəndaşların hüquq və azadlıqlarını qəsdən və kobud şəkildə pozduğunu, bəzi “hüquq müdafiəçilərinin” isə bu çirkin oyunda iştirak etdiyini bir daha sübut edir. -17D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz