![Fransa Qarabağ separatçılarının bu ölkəyə daxil olmasının qarşısını almalıdır](https://turan.az/resized/750/500/resize/media/2018/main/011700006891.jpg)
Fransa Qarabağ separatçılarının bu ölkəyə daxil olmasının qarşısını almalıdır
Bakı/17.01.18/Turan: Ötən gün Parisdə Azərbaycan və Fransa XİN rəhbərləri Elmar Məmmədyarov və Jan İv Le Drianın görüşündə ikitərəfli münasibətlərin inkişafından məmnunluq ifadə olunub, siyasi əlaqələrin daha da dərinləşdirilməsində yüksək səviyyəli səfərlərin vacibliyi vurğulanıb, XİN mətbuat xidməti məlumat yayıb.
Nazirlər Dağlıq Qarabağ münaqişəsini müzakirə ediblər. E.Məmmədyarov münaqişənin nizamlanmasına dair danışıqlar prosesində vəziyyətlə bağlı həmkarına məlumat verib.
İqtisadi mövzuya toxunan nazirlər Azərbaycan və Fransa arasında iqtisadi sahədə əməkdaşlığın inkişafını təqdir ediblər və iki ölkə arasında ticarət dövriyyəsinin artırılması istiqamətində birgə səylərin önəmini vurğulayıblar.
E.Məmmədyarov Fransanın Avropa və Xarici Işlər Nazirliyinin dövlət katibi Jan-Batist Lömuen ilə də görüşüb.
Qarabağ nizamlanmasına toxunan E.Məmmədyarov 2018-ci il yanvarın 18-də Polşanın Krakov şəhərində ATƏT-in Minsk Qrupunun həmsədrləri və Ermənistanın xarici işlər naziri ilə görüşəcəyini bildirib.
O, Fransanın bəzi şəhərlərinin Azərbaycanın işğal olunmuş ərazilərində Ermənistan tərəfindən yaradılmış qondarma rejim ilə qanunsuz əlaqələr yaratması, qondarma rejimin təmsilçiləri kimi özünü təqdim edən şəxslərin Fransa ərazisinə daxil olması kimi faktların ATƏT-in Minsk Qrupunun həmsədri olaraq Fransanın mərkəzi hökuməti tərəfindən qarşısının alınmasının vacibliyini bildirib.
Görüşün sonunda nazirlərin iştirakı ilə Azərbaycan Milli Elmlər Akademiyası ilə Fransanın Montpellier Universiteti arasında əməkdaşlıq haqqında çərçivə və dissertasiya və maliyyələşmə haqqında əməkdaşlıq sazişləri imzalanıb. Sazişləri AMEA-nın prezidenti, akademik Akif Əlizadə və Montpellier Universitetinin beynəlxalq əlaqələr üzrə vitse-prezidenti Fransua Henn imzalayıblar.-06D--
-
- Siyasət
- 17 Yanvar 2018 16:40
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz