Serj Sarkisyan Putin modelindən istifadə etmək istəyir

Bakı/17.02.18/Turan: Martın 2-də Ermənistanda prezident seçkiləri keçiriləcək. Qeyd edək ki, ölkənin hazırkı prezidenti Serj Sarkisyan ötən gün bununla bağlı maraqlı bəyanat verib.

"Bu, zəngin keçmişə malik, uzun yol keçmiş, həm ölkədə, həm də xaricdə tanınmış, Ermənistanı beynəlxalq səviyyədə lazımınca, layiqlə təmsil edə biləcək, yəni öz təmsilçilik funksiyasını həm ölkə daxilində, həm də onun hüdudlarından kənarda yerinə yetirə biləcək şəxs olmalıdır.

Gələcək prezident xarici dilləri bilməli, həm diasporda, həm də Ermənistanda geniş əlaqələri olmalı, nüfuza mailk olmalı, ən başlıcası qərəzsiz adam olmalıdır. Əvvəllər siyasətlə məşğul olmamalı, heç bir partiyanın üzvü olmamalıdır", - S.Sarkisyan bildirib.

Ermənistanlı politoloq Armen Bağdasaryan gələcək dövlət başçısının üçün bu meyarları "zərərli" hsab edir.

"Zənnimcə, Serj Sarkisyan əsas məsələni deməyib: növbəti prezident elə adam olmalıdır ki, böyük siyasi reputasiyası, siyasi platforması və Ermənistanda ambisiyası olmasın. Başqa sözlə desək, o, Serj Sarkisyanın dövlətdə birinci şəxs olaraq qalmasına mane olmamalıdır", -A.Bağdasaryan "Azadlıq" radiosuna bildirib.

A.Bağdasaryan prezidentliyə mümkün namizədin ətrafında "süni ajiotaj"ın yaradıldığını qeyd edib. Onun sözlərinə görə, bununla da "ictimaiyyətin diqqətini daha mühüm məsələdən - baş nazir postuna namizəd məsələsindən yayındırmağa cəhd edirlər".

Qeyd edək ki, mətbuatda Ermənistanın dördüncü prezidenti postuna mümkün namizəd kimi ölkənin keçmiş baş naziri Armen Sarkisyanın adı çəkilir.

Serj Sarkisyan isə baş nazir poztunu tutmağı planlaşdırır ki, dövlət başçısının səlahiyyətlərinin çoxu ona keçir.

Beləliklə, Ermənistanda hakimiyyətin saxlanması layihəsi həyata keçiriləcək. Vaxtilə Vladimir Putin də prezident kürsüsünü Dmitri Medvedyevə verdi, ancaq Rusiyanın birici şəxsi olaraq qaldı.-02D-