Gənclərin etiraz aksiyasında saxlanmalar

Facebook-dakı anonim qrup tərəfindən Fəvvarələr Meydanında təyin edilmiş səssiz etiraz aksiyası hüquq-mühafizə orqanlarını ciddi narahat edib. Aksiya həbsdə olan gənc fəalların azadlığa buraxılması tələbilə keçirilməli idi. 

Aksiya saat 15:00-a təyin olunsa da günortaya yaxın artıq Fəvvarələr Meydanı polisin nəzarətinə götürülüb. Hər tərəfdə rezin dəyənəkli polislər keşik çəkiblər. “Makdonads” kafesinin arxasında bir neçə post-patrul maşını dayanıb.

Saat 15.00-a yaxın oraya paytaxt polisinin rəis müavini Səhləb Bağırovun rəhbərliyi ilə baş zabit heyətindən ibarət böyük qrup toplaşıb. General-mayor mülki geyimdə olub.

Polis əməkdaşları qrup halında gəncləri, hətta yeniyetmələri belə saxlayaraq,  onlardan meydanı tərk etmələrini tövsiyə edib.

Polislər jurnalistlərin qarşısını kəsərək saxlanma prosesini çəkməyə imkan vermyiblər.

Jurnalistlər saxlanmanın səbəblərinin açıqlanmasını xahiş etdikdə  və bazar günü aksiyası ilə əlaqədar kimlərinsə saxlanıb-saxlanmadığını soruşduqda paytaxt polisinin rəsi bildirib ki, heç kim saxlanmayıb.

“Aksiya oldu ki, kimsə də saxlansın”, - S.Bağırov qeyd edib.

“Qanunsuz həbslərə son qoyulsun!” aksiyası anonim istfadəçi qrupu tərəfindən iyulun 21-də saat 15:00-a elan olunub.

İlin əvvəlindən NİDA hərəkatının 7, “Azad gənclik” hərəkatının 1 və AXCP Gənclər Komitsinin 1  fəalı saxlanılıb.  

İyulun 15-də daha üç fəal 15 sutka inzibati həbs cəzasına məhkum edilib.—06C--