![Gürcüstan Azərbaycan qazını alırkən Rusiyadan qaz almayacaq](https://turan.az/resized/media/2014/main/061800081747-750-500-resize.webp)
Gürcüstan Azərbaycan qazını alırkən Rusiyadan qaz almayacaq
Tbilisi/18/06/14/Turan-BSPRESS: Gürcüstan hökuməti Rusiya qazının alışından imtina edib. Bu barədə ölkənin energetika naziri Marika Valişvili “Kommersant” radiosuna müraciətində bildirib.
“Bizim hökumət əsas qaz tədarükçüsünü dəyişmək istəmir, hazırda bu, Azərbaycandır”, - o vurğulayıb.
2013-cü ilin mayında ölkənin energetika naziri Kaxa Kaladze qaz nəqlinin diversifikasiyası üzrə yeni kursu açıqlamışdı və müfaviq qurumlara alternativ mənbələrə baxılması barədə göstəriş vermişdi.
Əsasən Rusiya, həmçinin Qazaxıstan qazının nəqlinə dair təkliflərə baxılıb. “Biz gələcəkdə qaz almaq məqsədilə yalnız bir mənbə ilə kifayətlənməmək üçün hər şeyi edəcəyik. Rəqabət nə qədər çox olarsa, qiymətlər o qədər aşağı olacaq. Biz Azərbaycan qazından imtina məsələsinə baxmırıq. Azərbaycan olub, var və bizim strateji tərəfdaşımız olaraq qalır. Biz yaxşı qiymətə qaz almaqdan çox məmnunuq. Digər ixracatçılara gəlincə, bunlar Rusiya və Qazaxıstan ola bilər. Alternativin olması normaldır”, - Kaladze bildirmişdi.
Azərbaycan Dövlət Neft Şirkəti hazırda Gürcüstanda böyük investorlardan biri olaraq qalır. Şirkət ölkə iqtisadiyyatının müxtəlif sahələrinə, o cümlədən energetika və sosial sahəyə böyük vəsait qoyub. Bununla belə, SOCAR Gürcüstan hökumətinin istəyinə anlayışla yanaşıb. Şirkətin ofisindən “Kommersant” radiosuna bildirilib ki, alternativ qaz mənbələri axtarmaq Gürcüstanın suveren hüququdur və Azərbaycanın hansısa yolla buna mane olmaq niyyəti yoxdur və indiki qiymətlə qaz nəqlini davam etdirəcək. Azərbaycan şirkətinin rəhbərliyi hesab edir ki, rəqabəti siyasi yox, iqtisadi yolla aparmaq lazımdır. Şirkət əmindir ki, heç bir qaz tədarükçüsü Gürcüstana daha sərfəli şərt təklif edə bilməz. -02D-
-
- Cəmiyyət
- 18 İyun 2014 13:11
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz