Gürcüstan NATO üçün Rusiya ilə sərhəddə xüsusi əməliyyatların təfsilatını açıqlayıb

Gürcüstanın NATO-da daimi nümayəndəsi Qriqol Mqaloblişvili Brüsseldə Gürcüstan-NATO komissiyasının iclasında RF ilə sərhədin Dağıstan hissəsində bir qrup döyüşçünün zərərsizləşdirilməsi üzrə xüsusi əməliyyat barədə məlumat verib. Xəbəri “Novosti-Qruziya” agentliyi yayıb.

Gürcüstan tərəfi 20-yə yaxın döyüşçüdən ibarət qrupun Lopot dərəsinə keçib, 10 nəfər yerli sakini əsir götürməsindən sonra orada əməliyyata başlayıb. Əsirlərin azad edilməsi üzrə mərhələli danışıqlar aparılıb. Bir qrup polis zabiti döyüşçülərə təslim olaraq, onlara təslim olmağı təklif edib, bundan sonra atışma başlayıb. Atışma zamanı 3 Gürcüstan hərbiçisi həlak olub. Bu gün əməliyyat davam edib, deyə daxili işlər nazirinin müaviniŞota Xizanişvili bildirib. 11 döyüşçünün cəsədi aşkar edilib, daha 6 nəfərin axtarışı aparılır. Dağıstanın hüquq-mühafizə orqanlarındakı mənbə bildirib ki, döyüşçülər Gürcüstana keçən “Tsuntindən olan bandit qrupunun” üzvləri imiş. 

Gürcüstan prezidenti Mixail Saakaşvili bildirib ki, Rusiyadakı silahlı münaqişənin öz ərazisinə keçməsinə imkan verməyəcək. O, Şimali Qafqazdakı qonşularına onlardan istifadə edilməsinə imkan verməmək çağırışı ilə müraciət edib. “Dağ silsiləsinin arxasında baş verən iğtişaşlar və qeyri-sabitlik oradaca qalacaq və bizə keçə bilməyəcək. Bizim yaxşı təlim keçmiş hüquq-mühafizə qurumlarımız və dinc vətəndaşlarımızı müdafiə etmək üçün siyasi iradəmiz var”, deyə Saakaşvili bildirib. -0-