Gürcüstan səfiri İvanişvili hökumətinin 100 günü barədə

Azərbaycanla Gürcüstan arasında dövlət sərhəddini keçid xətti dörddə üç hissə razılaşdırılıb. Bu barədə Gürcüstanın Bakıdakı səfiri Teymuraz Şaraşenidze bugünkü mətbuat konfransında bildirib.

Mətbuat konfransı Bidzina İvanişvilinin başçılığı ilə “Gürcü arzusu” koalisiyası tərəfindən formalaşdırılan yeni hökumətin 100 gününə həsr olunub.

Bu müddətdə xarici siyasət istiqamətində işlər 4 prioritet istiqamətlər üzrə aparılıb: 1)Avropa və Avroatlantika strukturlarına inteqrasiya və İvanişvili ilk xarici səfərini Brüsselə edib, Aİ və NATO rəhbərləri ilə görüşüb.

2) ABŞ ilə strateji tərəfdaşlığın inkişafı. Gürcüstan XİN rəhbəri Maya Pancikidze Vaşinqtonda olub, dövlət katibi Hilari Klintonla uğurlu danışıqlar aparıb. 

3) Regional əməkdaşlıq və çərçivədə İvanişvili ilk səfərini Azərbaycan, Ermənistan və Türkiyəyə edib.

4) Rusiya ilə dialoqun başlanması. Bu sahədə də müəyyən addımlar atılıb. Belə ki, baş nazir Rusiya ilə xüsusi nümayəndəsini təyin edib. Rusiya tərəfi də analoji addımlar atıb. Lakin Şaraşenidze qeyd edib ki, hazırkı mərhələdə ticari-iqtisadi və humanitar münasibətlərin bərpasından gedir. 

Daxili siyasətə gəlincə, 2013-cü il büdcəsinin sosialyönlü olmasını, səhiyyə xərclərinin 2 dəfə artırılmasını, əhalinin tibbi sığorta ilə təmin edilməsini, yanacaq, elektrik enerjisi qiymətlərinin aşağı salınmasını qeyd etmək lazımdır. Hökumətin iqtisadiyyatda prioriteti aqrar sektordur və kənd təsərrüfatının inkişafı fondu yaradılıb. Fondda bu sahəyə investisiyalar toplanacaq.    

Səfir demokratikləşmə sahəsində ədalətin bərpası devizi altında geniş amnistiyanı qeyd edib. Rezonans doğuran işlər, o cümlədən keçmiş baş nazir Zurab Jvaniyanın ölümü  üzrə araşdırmalar davam edir. 06S-