Açiq mənbələrdən foto.
Gürcüstan və Rusiyadan vətəndaşlarının qaytarılması ilə bağlı vəziyyət barədə
Bakı/03.07.20/Turan: Gürcüstanda və Dağıstanda qalmış Azərbaycan vətəndaşları Vətənə qaytarılmaqda yaranmış çətinlikdən şikayətlənməyə davam edirlər.
Belə ki, Gürcüstanda 700-ə yaxın Azərbaycan vətəndaşı sərhəddi keçməyi gözləyir. 2-3 həftədə bir dəfə 200 nəfər buraxılır. Bununla yanaşı, Azərbaycan səfirliyi onlardan koronavirus testi üçün 110 lari ödəməyi tələb edir.
Əgər test müsbət olarsa, onları Gürcüstanda saxlayırlar, amma bəziləri müsbət testlə belə evakuasiya olunur və Azərbaycanda karantinə yerləşdirilir.
Gözləyənlər arasında ailələri Azərbaycanda olan Gürcüstan vətəndaşları da var, amma onlar gələ bilmirlər.
Dağıstana gəlincə, orada vəziyyət oxşardır-Azərbaycan vətəndaşları əvvəlkitək Qullar qəsəbəsi yaxınlığındakı çadır düşərgəsində ağır şəraitdə yaşayırlar. Onlar şikayət edirlər ki, ilk növbədə sərhəddən rüşvət verənlər keçir.
Lakin XİN mətbuat xidmətinin rəhbəri Leyla Abdullayeva bu iddiaları əsassız hesab edir. O, Turan-ın müxbirinə bildirib ki, Gürcüstanda olan Azərbaycan vətəndaşları “müvafiq qarafik üzrə qayıdırlar”. Bu halda, test nəticəsi mənfi olan şəxslər karantinə aparılmır.
Ailələri Azərbaycanda qalan Gürcüstan vətəndaşlarının Azərbaycana qaytarılmasına gəlincə, ilk növbədə Azərbaycan vətəndaşları ölkəyə qaytarılır. Gürcüstan vətəndaşının indiki halda Azərbaycana gətirilməsi istisna hal təşkil edə bilər.
L.Abdullayeva Dağıstanla sərhəddə qalanAzərbaycan vətəndaşlarının rüşvət alınması ilə bağlı iddiasını əsasssız sayıb: “Bunu iddia edənlər dəlilini ortaya qoymalıdır. Biz həmişə demişik ki, “evə gedirəm” portalı ilə vətəndaşlarımız qeydiyyatdan keçib, həmin o qeydiyyatdan keçməyə uyğun da ölkəyə gətirilirlər”, - o bildirib.
Eyni zamanda vətəndaşlar arasında vəziyyəti pis, xəstə, azyaşlı, ahıl olan şəxslər varsa, onların Azərbaycana daha tez qaytarılmasına üstünlük verilir. —06D-
-
- Maliyyə
- 3 İyul 2020 13:43
Siyasət
-
Çərşənbə axşamı Binəqədi Rayon Məhkəməsi birinci qrup əlil Famil Xəlilovun ev dustaqlığına köçürülməsi haqqında vəsatəti təmin etməyib.
-
Martın 14-də Bakıda Azərbaycan Milli QHT Forumunun onuncu qurultayı keçirilib.
-
Mayın 14-də Gürcüstan parlamenti Tbilisidə bir aydır davam edən etirazlara səbəb olan xarici agentlər haqqında qanun layihəsini üçüncü və yekun oxunuşda qəbul edib. 84 deputat sənədin lehinə, 30 deputat isə əleyhinə səs verib. Səsvermə zamanı müxalif deputatlar və hakim partiyadan olan deputatlar arasında dava düşüb.
-
Azərbaycanın xarici işlər nazirləri Ceyhun Bayramov və Ukraynanın Dmitri Kuleba bazar ertəsi telefon danışığı zamanı ölkələri arasında nəqliyyat, enerji və humanitar sahələrdə əməkdaşlığın gücləndirilməsini müzakirə ediblər. Müzakirələr zamanı Azərbaycan ilə Ukrayna arasında strateji tərəfdaşlıq və tarixi əlaqələr vurğulanıb.
Rəy yaz