Açiq mənbələrdən foto.
Bakı/15.11.22/Turan: Gürcüstanın əks kəşfiyyatı ölkə ərazisində İsrail vətəndaşının öldürülməsinin qarşısının alındığı haqqında məlumat yayıb. Bunun üçün Gürcüstana killer göndərilib.
Qətlin sifarişçisi İran vətəndaşıdır, deyə Gürcüstanın Dövlət Təhlükəsizliyi Xidməti bildirib.
Qətli üçüncü ölkədən keçməklə Gürcüstana gələn Pakistan vətəndaşı törətməli idi. Onun məxfi əlaqə vasitələri var idi və o, obyekti izləyirdi.
Silahın Gürcüstana çatdırılması ilə ikili vətəndaşlığı - Gürcüstan və İran vətəndaşlığı olan, Gürcüstanda daimi yaşayan şəxslərdən ibarət qrup məşğul olurdu. Silah gizli yerlərdə ötürülüb, bu zaman silahı daşıyan qrup və killer birbaşa əlaqə saxlamayıb, əlaqələndirmə xaricdən həyata keçirilib.
DTX bir neçə nəfərin saxlanıldığını, odlu silah və döyüş sursatlarının, informasiya daşıyıcılarının müsadirə edildiyini bildirir. İstintaqın məxfiliyi məqsədilə digər təfərrüatlar açıqlanmır. 02D
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz