![Gürcüstanda uran satmaq istəyən erməni saxlanılıb](https://turan.az/resized/media/2016/main/051800156372-750-500-resize.webp)
Gürcüstanda uran satmaq istəyən erməni saxlanılıb
Yerevan/18.05.16/Turan-Armİnfo: Ermənistan parlamentinin deputatı Arakel Movsisyanın (Şmays) qohumu, Qarabağ müharibəsi iştirakçısı Miqran Poqosyan Gürcüstanda qanunsuz uran satışına cəhdə görə həbs edilib. Bu barədə Ermənistan KİV məlumat verib.
Bundan öncə Gürcüstan Təhlükəsizlik Xidməti (TX) altı nəfər Gürcüstan və Ermənistan vətəndaşının saxlandığını bildirib. Onlar $200 mln. dəyərində uran-238 partiyasını satmağa cəhd göstəriblər. TX qrupun uranı haradan aldığını və konkret radioaktiv maddə alıcısının olduğunu açıqlamayıb. TX-nin müstəntiqi Savl Motiaşvili deyib ki, uranın daşınması üçün nəzərdə tutulan konteyner saxlanılan şəxslərdən birinin evində aşkar edilib. “Qamma-şüalanma və radioloji ekspertiza nəzərə alınmaqla götürülən maddə həyat və sağlamlıq üçün təhlükəlidir”, - o bildirib. Tbilisi Şəhər Məhkəməsi onları həbs edib. Tutulan şəxsləri 10 ilədək azadlıqdan məhrumolunma cəzası gözləyir.
Görünür, sözügedən uran hansısa yolla Ermənistandan, məhz Metsamor AES-dən gətirilib.
Vaxtilə Ermənistan hakimiyyəti bu AES-in işini dondurub və görünür, uran yanacağının bir hissəsini çıxarıb. Çox güman ki, ermənilər uranın bir hissəsini saxlamaqla “çirkli” atom bombasının yaradılması imkanlarını tam ciddi olaraq nəzərdən keçiriblər. Ermənistanda atom silahının olması barədə keçmiş baş nazir Qrant Baqratyanın bu yaxınlardakı bəyanatı da bundan xəbər verir.
Bu yaxınlarda Ermənistandan uran qaçaqmalçılığına cəhd də uran yanacağının AES-dən çıxarıldığını təsdiq edir.
Qeyd edək ki, bu cinayətkar biznes ilə Qarabağda döyüşmüş keçmiş döyüşçü və onun qardaşı məşğul olub.
Məlumatlı hərbi mənbə Turan-a bildirib ki, Arakel Movsisyan döyüş qabiliyyətli batalyonlardan birinin komandiri olub. 1994-cü ildə batalyonun qarşısına Tərtəri götürmək və Yevlaxa gedib çıxmaq tapşırığı qoyulmuşdu. Lakin Eldar Ağayevin komandanlığı ilə xüsusi təyinatlı batalyon Şmaysın batalyonunun qarşısını alaraq darmadağın etmişdi.-02В-
-
- İqtisadiyyat
- 18 May 2016 13:02
-
- Siyasət
- 18 May 2016 13:41
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz