Bakı/29.11.19/Turan: Bu gün Milli Məclis 104 səs ilə 39 yaşlı Səbinə Əliyevanı ölkənin ombudsmanı seçib.
Bu günədək o, Konstitusiya Məhkəməsinin aparat rəhbərinin müavini idi.
Alternativ namizədlər Bakı Apellyasiya Məhkəməsi sədrinin müavini Kəmalə Abıyeva və Ali Məhkəmənin insan hüquqları və ictimai əlaqələr şöbəsinin müdiri Kəmalə Əliyeva idi.
Qanunvericiliyə görə, dövlət başçısı ombudsman postuna üç namizəd təqdim edir, parlament isə onlardan birini seçir.
Səbinə Əliyeva 1980-cı ildə anadan olub, ali hüquq təhsili var. KİV-in məlumatına görə, hakim Yeni Azərbaycan Partiyası icra katibinin müavini, parlamentin Dini qurumlar və ictimai birliklərlə iş komitəsinin sədri Siyavuş Novruzovanın həyat yoldaşıdır.
O, həm də keçmiş vitse-spiker Yaşar Əliyevin qızıdır. Səbinə Əliyeva geniş ictimaiyyətə məlum deyil.
Xatırladaq ki, əvvəlki ombudsman Elmira Süleymanova vəzifəyə təyin olunmadan öncə vətəndaş cəmiyyətində qadın hüquqları məsələlərilə məşğul olmuşdu, çoxillik iş təcrübəsinə malik idi. 06D--
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz