Сиявуш Новрузов
Hakim partiyanın sədr müavini amnistiya elan etməyi təklif edib
Bakı/01.02.18/Turan: Parlamentin ictimai birliklər və dini qurumlar üzrə komitəsinin sədri, hakim Yeni Azərbaycan Partiyasının icraçı katibinin müavini Siyavuş Novruzov amnistiya elan etməyi təklif edir. Təklif bu gün Milli Məclisin yaz sessiyasının açılışında səslənib.
Amnistiya Azərbaycan Xalq Respublikasının 100 illiyinə və keçmiş prezident Heydər Əliyevin 95 illiyinə həsr oluna bilər. O, Parlamentin müvafiq xahişlə prezident İlham Əliyevə müraciət etməsini təklif edib.
Novruzovun sözlərinə görə, amnistiya ölkənin ərazi bütövlüyü uğrunda döyüş əməliyyatlarında iştirak etmiş şəxslərə, 60 yaşdan yuxarı qadınlara, himayəsində azyaşlı uşaqları olan şəxslərə və 70 yaşdan yuxarı kişilərə şamil oluna bilər.
Novruzov həmçinin "müxtəlif dini cərəyanların və ayrı-ayrı beynəlxalq təşkilatların" təsiri altında cinayət törətmiş gənclərin amnistiyasının tərəfdarıdır. Eyniz amanda, Novruzov hesab edir ki, Azərbaycanda siyasi məhbus yoxdur.
Novruzovun təşəbbüsü suallar doğurur, belə ki, Amnistiya Aktının qəbul edilməsi parlamentin səlahiyyətlərinə aiddir və onun niyə prezidentə müraciət etməyi təklif etdiyi aydın deyil.
Azərbaycanın müstəqilliyini bərpa etməsindən ötən 25 il ərzində 11 amnistiya aktı qəbul edilib və 63 əvf haqqında sərəncam verilib. -03D-
-
- Maliyyə
- 1 Fevral 2018 12:59
-
- İqtisadiyyat
- 1 Fevral 2018 14:06
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz