Hakimiyyət müxalifətin 23 fevral mitinqinə icazə verməyib

Bakı/20.02.19/Turan: Bakı Şəhər İcra Hakimiyyəti Demokratik Qüvvələrin Milli Şurasının (DQMŞ) fevralın 23-də "Məhsul" stadionunda mitinq keçirməsinə icazə verməyib.

Şəhər hakimiyyəti imtinanı müxalifətin 19 yanvar mitinqi zamanı "ictimai asayişin pozulması" ilə əsaslandırıb.

Meriya həmin əsasla 26 yanvar mitinqinə də icaz verməmişdi.

DQMŞ hakimiyyətin arqumentini qəbul etməyərək bildirir ki, 19 yanvar mitinqindən sonra paytaxt polisi bəyan edib ki, aksiya zamanı "ictimai asayişin ciddi pozulması" baş verməyib.

DQMŞ hakimiyyətin hərəkətini toplaşma azadlığının, ölkə Konstitusiyasının və Azərbaycanın beynəlxalq öhdəliklərinin pozulması kimi qiymətləndirib.

DQMŞ qurumdaxili müzakirələrdən sonra mitinqin təxirə salınması və ya razılaşdırılmamış aksiyanın keçirilməsi barədə qərar qəbul edəcək.

Mitinqində siyasi məhbusların azadlığa buraxılması, offşorlara köçürülmüş vəsaitlərin ölkəyə qaytarılması, manatın devalvasiyası nəticəsində yaranmış əlavə kredit borclarına görə əhaliyə kompensasiya verilməsi tələb olunacaqdı.06d--