Bakı/02.10.19/Turan: Oktyabrın 2-də Azərbaycan MSK Rafael Cəbrayılovun Milli Məclisin deputatı mandatından imtina etməsilə bağlı müraciətinə baxıb. Müraciət təmin edilib.
İmtinaya deputatın bir qrup şəxsə qaytarmadığı 300 min dollar borc ilə əlaqədar qalmaqal səbəb olub. Şikayətçilər deputatı məhkəməyə veriblər və işi qazanıblar. Bundan sonra R.Cəbrayılov istefa verməyə məcbur olub.
Hakimiyyət bu məsələnin hüquqi müstəvidə həll olunduğunu, mətbuatda və parlamentdə müzakirə edilməsinin mənasız olduğunu bildirərək qalmaqalı hər vəchlə yatırmağa çalışır. Bu bəyanatla Milli Məclisin iclasında hakim Yeni Azərbaycan Partiyasının (YAP) icra katibinin müavini Siyavuş Novruzov çıxış edib.
Ancaq əslində belə bir bəyanat o deməkdir ki, məsələ həll olunmayıb. Heç kim deputatın hansı əsaslarla bizneslə məşğul olduğunu izah etməyib və niyə bu, müzakirə edilməməlidir? Zərərçəkənlərə pulu kimin qaytaracağı da məlum deyil.
Ancaq yəqin ki, bu, son deputat qalmaqalı deyil. Ötən gün məlum olub ki, daha bir deputatı, Çingiz Qənizadəni məhkəməyə veriblər. Onun da bir qrup vətəndaşa külli miqdarda borcu olub. Hər iki halda deputatlar kommersiya biznes layihələri üçün pul götürüblər.-02D-
Siyasət
-
Sentyabrın 18-də Azərbaycanın xarici işlər naziri Ceyhun Bayramovla Azərbaycanda səfərdə olan ABŞ dövlət katibinin Avropa və Avrasiya məsələləri üzrə köməkçisinin müavini Coşua Hakın görüşü olub.
-
18 beynəlxalq insan hüquqları təşkilatı Avropa Şurasının yeni baş katibi Alen Berseyə məktub ünvanlayaraq Azərbaycanda insan hüquqlarının vəziyyəti, jurnalist və fəalların kütləvi həbsinə diqqət çəkiblər.
-
Bu gün şeyxülislam Allahşükür Paşazadə Moskvaya gedir. O, sentyabrın 21-də keçiriləcək “Sülh yolu: dialoq harmoniyalı birgəyaşayışın əsası kimi” mövzusunda XX Beynəlxalq Müsəlman Forumunda iştirak edəcək.
-
İqtisadçı, İstanbul Universitetinin doktorantı Fazil Qasımov 97 gündür ki, Penitensiar Xidmətin müalicə müəssisəsində aclıq edir. Sentyabrın 17-də Beynəlxalq Qırmızı Xaç Komitəsinin Bakı nümayəndəliyinin əməkdaşları ona baş çəkiblər.
Rəy yaz