Bakı/02.10.19/Turan: Azərbaycan və İran HDQ-lərin Xəzər dənizində əməkdaşlığı konstruktiv xarakter daşıyır və möhkəmlənəcək.
Bu barədə İranın Bəndər-Abbas limanında Azərbaycan HDQ komandanı vəzifəsini icra edən Zaur Hümmətov ilə İranın Xəzər dənizindəki HDQ komandanı Müctəba Məhəmmədinin görüşündə bildirilib.
İran KİV-in məlumatına görə, Z.Hümmətov qeyd edib ki, Azərbaycan və İran səmərəli əməkdaşlıq məqsədilə birgə əməliyyatlar və təlimlər keçirməyi planlaşdırır.
M.Məhəmmədi deyib ki, söhbət ilk növbədə Xəzərdə ticarət donanmasının təhlükəsizliyini təmin etməkdən gedir.
Azərbaycan HDQ komandanı İran HDQ komandanı admiral Hüseyn Hanzadənin dəvəti ilə İranda səfərdədir.-02D-
Siyasət
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
Rəy yaz