Bakı/14.02.20/Turan: Bakı meriyası yenidən müxalifətə fevralın 16-na təyin etdiyi mitinqi paytaxtdan 20 km. uzaqda, Lökbatan qəsəbəsindəki “Neftçi” idman klubunun stadionunda keçirməyi təklif edib. Bu barədə Turan-a D18 Hərəkatının rəhbəri Ruslan İzzətli məlumat verib.
Fevralın 11-də Müsavat və Respublikaçı Alternativ partiyaları və D18 Hərəkatı, habelə iki müstəqil namizəd meriyaya bildiriş göndərərək seçkilərin saxtalaşdırılmasına etiraz olaraq bazar günü “28 may” metro stansiyasının yaxınlığında mitinq keçirmək niyyətini açıqlayıb.
Növbəti gün meriyası buna mənfi cavab verib. Ancaq bir neçə saatdan sonra fikrini dəyişib və mitinqi Lökbatanda keçirməyi təklif edib.
Fevralın 13-də təşkilatçılar yenidən meriyaya müraciət ediblər və mitinqi şəhərin mərkəzində keçirmək istədiklərini bildiriblər. Bu gün saat 17:00-da təşkilatçılar paytaxt Polis İdarəsinə çağırılıblar. -16C06-
Siyasət
-
Şənbə günü Birləşmiş Ştatlar Gürcüstanın Aİ-yə üzvlük prosesini dayandırmaq qərarından və hökumətin etirazçılara qarşı amansız repressiyasından sonra Gürcüstanla strateji tərəfdaşlığını dayandırdığını bildirib.
-
Noyabrın 29-da Bakı Ağır Cinayətlər Məhkəməsində Elnur Nuriyevin sədrliyi ilə Demokratik Qüvvələrin Milli Şurasının (DQMŞ) və Müsavat Partiyasının üzvü Tofiq Yaqublunun işi üzrə növbəti iclas keçirilib.
-
Avropa Şurası Parlament Assambleyası (AŞPA) bu ölkədə dinc etirazların yatırılmasını pisləyib və ölkəni Avropa dəyərlərinə sadiq qalmağa çağırıb.
-
Azərbaycan DİN politoloq Azər Qasımlının həyat yoldaşı Samirə Qasımlının ölkədən çıxışına qoyulan qadağanı ləğv edib. Lakin onun xaricə səfəri baş tutmayıb, çünki o, aviareysə çata bilməyib.
Rəy yaz