![Həbsxanada 12 gündür aclıq edən birinci qrup əlil 20 kiloqram çəki itirib](https://turan.az/resized/news/2024/yaveHCVZABTUwbeP6ZfozYiEd4Q0At5QH61yMPNM-750-500-resize.webp)
Həbsxanada 12 gündür aclıq edən birinci qrup əlil 20 kiloqram çəki itirib
Həbsxanada 12 gündür aclıq edən birinci qrup əlil 20 kiloqram çəki itirib
1 saylı Bakı İstintaq Təcridxanasının tibb-sanitar hissəsində saxlanılan ictimai fəal, I qrup əlil Famil Xəlilov 12 gündür aclığı davam etdirir. O, "qanunsuz həbsinə" etraz edir.
Bu barədə vəkil Bəhruz Bayramov avqustun 26-da Xəlilovla görüşündən sonra Turan-a bildirib.
"Qolları iflic olan Famil Xəlillova qulluq etmək üçün artıq bir nəfər sosial işçi ayırıblar. O, 20 kiloqramdan çox çəki itirib (təcridxanaya daxil olanda çəkisi 116 kiloqram olub). Famil Xəlilov hazırda su və ağrıkəsici dərmanlar qəbul edir. Həkimlər qida qəbul etmədən ağrıkəsici dərmanların qəbul edilməsinin ciddi fəsadlarının olacağını bildirir", deyə vəkil qeyd edib.
Famil Xəlilovun həyat yoldaşı Kiçikxanım Xəlilova bu gün onunla görüşdən sonra Turan-a bildirib ki, ailəsinin yalvarışlarına baxmayaraq, Famil aclığı dayandırmayacağını bildirib.
"Bu gün onun üçün duru yemək də aparmışdım. Lakin yeməkdən qəti olaraq imtina etdi. Yalvarışıma baxmayaraq, aclığı sonadək davam etdirəcəyini bildirdi", deyə o qeyd edib.
Penitensiar Xidmət Turan-ın Famil Xəlilovla bağlı sorğusuna hələ cavab verməyib.
Mayın 2-də saxlanılan Xəlilova qarşı Cinayət Məcəlləsinin 234.4.3-cü (satış məqsədilə küllü miqdarda narkotik hazırlama, daşıma, saxlama) maddəsi ilə ittiham irəli sürülüb. Onun barəsində 4 aylıq həbs qətimkan tədbiri seçilib. Bu maddədə 5 ildən 12 ilədək həbs cəzası nəzərdə tutulub.
Yaxınları onun təqsirsiz olduğunu, sosial şəbəkələrdəki paylaşımlarına görə cəzalandırıldığını deyirlər.
Fəalın həyat yoldaşı Kiçikxanım Xəlilova bildirir ki, Xəlilov sosial şəbəkələrdə aktiv olduğu, insanların haqqını tələb etdiyi üçün həbs olunub.
Dövlət rəsmiləri isə, bir qayda olaraq, insanların qanun qarşısında bərabər olduğunu, iradəsinə görə təqib edilmədiyini bəyan edir.
Avqustun 29-da Bakı Ağır Cinayətlər Məhkəməsində haklim Azər Tağıyevin sədrliyi ilə Famil Xəlilova qarşı cinayət işi üzrə hazırlıq iclası başlayacaq.
-
- Cəmiyyət
- 26 Avqust 2024 17:42
Siyasət
-
Müsavat Partiyası bu təşkilatdan deputatlığa namizəd Nəsiman Yaqublunun ölümünü müəmmalı hesab edir.
-
Tarix elmləri doktoru, London Universitetinin Tarix Araşdırmaları İnstitutunun baş elmi işçisi Cəmil Həsənlinin "Qızıl alma uğrunda Çin‑Sovet savaşı: Şərqi Türküstan. 1930‑1950" adlı kitabı işıq üzü görüb. Kitabı Azərbaycanda "Altun Kitab" MMC çap edib.
-
Azərbaycan XİN başçısı Ceyhun Bayramov avqustun 27-də Türkiyəyə səfər edəcək.
-
İstintaq Təcridxanasında saxlanılan Toplum TV internet televiziyasının təsisçisi Ələsgər Məmmədliyə cərrahi əməliyyat lazımdır. Bu barədə Turan-a onun qardaşı Nəsimi Məmmədli avqustun 26-da onunla telefon danışığından sonra bildirib.
Rəy yaz