Həmkarlar İttifaqı fəalı 8 il müddətinə azadlıqdan məhrum edilib

Yanvarın 14-də Bakı Ağır Cinayətlər Məhkəməsində alternativ "İşçi Masası" Həmkarlar İttifaqları Konfederasiyasının rəhbəri Afiyəddin Məmmədovun məhkəmə prosesi başa çatıb. Məhkəmə onu 8 il azadlıqdan məhrum edib.

Bundan öncə vəkil Zibeydə Sadıqova bildirib ki, fəala qarşı iittihamın heç biri sübutlarla ə əsaslandırılmayıb. Proses zamanı müdafiə tərəfinin vəsatətlərini təmin etməyən və hadisə yerindən müşahidə kameralarından kadrlar tələb etməyən məhkəmənin mübahisə prinsipi təmin edilməyib.

O, yalan ifadə verdiyinə görə şahidlərin, habelə işi saxtalaşdıran müstəntiqin cəzalandırılmasının vacibliyini vurğulayıb. Müdafiə tərəfi məhkəmədən Məmmədova bəraət verilməsini xahiş edib.

Məmmədov cinayət işini özünün siyasi fəaliyyəti ilə əlaqələndirib. O bildirib ki, 2020-ci ildə işçilərin hüquqlarının müdafiəsi ilə məşğul olan təşkilat yaratmaq qərarına gəlib.

2022-ci ildə “İşçi Masası” Həmkarlar İttifaqları Konfederasiyası yaradılıb. Məqsəd işçiləri onların  hüquqlarını pozanlardan, haqsızlıq edənlərdən qorumaq olub.

Ancaq hakimiyyət buna düşmənçiliklə yanaşıb və təşkilatın fəalları repressiyalara - işgəncələrə və həbslərə məruz qalıblar.

2023-cü ilin avqust-sentyabr aylarında özü də daxil olmaqla üç fəal cinayət ittihamı ilə həbs olunub,  iki nəfər artıq həbs cəzasına məhkum edilmişdi.

Məmmədov bildirib ki, hakimiyyət dövlət məmurlarına məxsus şirkətlərdə işçilərin öz hüquqları uğrunda mübarizəsindən qorxur.

* Məmmədov sentyabrın 20-də naməlum şəxs tərəfindən hücuma məruz qaldıqdan sonra evinin yaxınlığında saxlanılıb. Lakin Məmmədovun özünü Cinayət Məcəlləsinin 221.3 (silahdan istifadə etməklə törədilmiş xuliqanlıq) və 126.1-ci (qəsdən sağlamlığa ağır zərər vurmaq) maddələri üzrə ittiham ediblər.

Sonradan ittihamlar sərtəşdirilib: 126.2.4 (qəsdən ümumi təhlükəli şəkildə sağlamlığa ciddi ziyan vurmaq) və 228.4-cü (qanunsuz silah dövriyyəsi).

Hüquq müdafiəçiləri Afiyəddin Məmmədovu siyasi məhbus kimi tanıyıblar.