Həmsədrlər Azərbaycan və Ermənistanı cəbhədə insidentlərin araşdırılması üçün mexanizm hazırlamağa çağırıblar

ATƏT-in Misnk Qrupunun həmsədrləri  Ceyms Uorlik (ABŞ), Pyer Endryu (Fransa) , İqor Popov (Rusiya), Ceyms Uorlik (ABŞ), Pyer Endryu (Fransa) Azərbaycan və Ermənistanı atəşkəs rejiminin pozulması hallarının araşdırılması üçün mexanizm qəbul etməyə çağırıblar.

ATƏT-in mətbuat xidmətinin məlumatında bildirilir  ki,  həmsədrlər sentyabrın 24-də Ermənistan XİN rəhbəri Edvard Nalbandyan, sentyabrın 25-də - Azərbaycan XİN rəhbəri Elmar Məmmədyarov, daha sonra isə hər iki nazirlə birgə görüş keçiriblər. 

 Bu görüşlərdə danışıqların bərpa olunması və tərəflər arasında etimadın artırılması üçün Ermənistan və Azərbaycan Silahlı Qüvvələrinin təmas xəttində gərginliyin azaldılmasının vacibliyi qeyd olunub. 

Daha sonra məlumatda deyilir ki, nazirlər Azərbaycan və Ermənistan prezidentləri arasında bu ilin sonuna planlaşdırılmış görüşün keçirilməsi  istiqamətində həmsədrlərlə hazırlıq işlərini davam etdirməyə razılığa gəliblər.

Vasitəcilər  Ermənistan və Azərbaycan prezidentlərini atəşkəs rejiminin pozulması hallarının araşdırılması üçün mexanizm qəbul etməyə çağırıblar. Onların fikrincə,  belə bir mexanizm olmasa tərəflər təmas xəttində baş verənlərdə biri-birini günahlandırmaqda davam edəcəklər.

Həmsədrlər tərəflərin ölüm hallarına səbəb olmuş artilleriyadan istifadə edilməsini qınayıb.

vasitəcilər  tərəfləri münaqişədən  zərər çəkmiş cəmiyyətlər arasında etimadın yaradılmasına dair proqramları reallaşdırmağa çağırıblar.-0-