Bakı/12.07.17/Turan: ATƏT-in Minsk Qrupunun həmsədrləri - İqor Popov (RF), Stefan Viskonti (Fransa), Riçard Hoqland (ABŞ) iyulun 11-də Brüsseldə Azərbaycan və Ermənistan XİN rəhbərləri Elmar Məmmədyarov və Edvard Nalbandyanla görüşüblər.
Onlar Dağlıq Qarabağ münaqişəsinin nizamlanması üzrə gələcək işlərə dair məsələləri müzakirə ediblər. Bu barədə həmsədrlərin bəyanatında deyilir.
Müzakirələrdə ATƏT-in hazırkı sədrinin şəxsi nümayəndəsi Anjey Kaspşik də iştirak edib.
Nazirlər bu ilin sonunadək yüksək səviyyədə görüşün keçirilməsi ilə bağlı həmsədrlərin təklifini öz prezidentlərinə çatdırmaq barədə razılığa gəliblər. Həmsədrlər görüşün təşkilinə dair yardımlarını təklif ediblər.
Həmçinin təmas xəttində vəziyyət müzakirə olunub.
Nazirlər və həmsədrlər sentyabrda BMT Baş Assambleyasının 72-ci sessiyası çərçivəsində yenidən görüşmək barədə razılıq əldə ediblər.-06D-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz