Hər iki vaksinasiyada eyni preparatdan istifadə olunacaq

Bakı/03.05.21/Turan: Mayın 2-də Azərbaycana Rusiyanın “Sputnik-V” vaksıninin 40 min dozası gətirilib. Rusiyanın  Azərbaycandakı səfiri Bocarnikovun dediyinə görə, may ayında yeni partıya gətiriləcək.  Mayın 3-dən koronavirusa qarşı “AstraZeneka” peyvəndı də vurulacaq. Artıq 80 min doza gətirilib. Bu barədə Səhiyyə Nazirliyi  məlumat verib.

“AstraZeneka” peyvəndi barədə dünya mətbuatında xeyli mənfi məlumatlar yayılıb. Bu məlumatlar əsasən  peyvənddən sonra qan damarlarında tromboz halları ilə bağlıdır. Lakin Ümumdünya Səhiyyə Təşkilatı və Avropa İttifaqı bu vaksini təhlükəli saymayıblar. 

Bununla əlaqədar Azərbaycan vətəndaşlarının bir qismi bu peyvəndin onlara vurulmasını istəmirlər. Bəs ilk olaraq “Sinovak” peyvəndini vurduran vətəndaşlara bir ay kecəndən sonra “Sputnik-V” və  ya “AstraZeneka” vurulması mümkündürmü? Belə olarsa vaksinlərin qarışdırılması orqanizmdə nələrə səbəb olar?

Tibbi Ərazi Bölmələrini İdarəetmə Birliyindən Turan-ın bu sualına cavab olaraq bildiriblər ki, peyvəndlərin qarışdırılmasına yol verilir.  Vətəndaşlara birinci hansı peyvənd vurulubsa bir aydan sonra eynisi vurulacaq. Bunun ücün peyvəndlənmə kampaniyasının əvvəlindən istifadə edilən “Sinovak” peyvəndinin  kifayət qədər ehtiyatı var.

Eyni zamanda vətəndaşlara istədiyi peyvəndi secmək imkanı da verilir,  qurumdan əlavə ediblər.

Bundan öncə bildirilmişdi ki, mayın 3-dən 60 və daha yuxarı şəxslər Oksford Universitetinin istehsalı olan “Astrazenesa” preparatı ilə peyvənd oluna bilər. Bu vaksin Bakıda və ölkənin 6 regionunda - Lənkəran, Şəki, Gəncə, Mingəçevir, Abşeron və Sumqayıtda tətbiq olunacaq, - Səhiyyə Nazirliyi məlumat verib.-0-