Media-icmal 03.05.21

“Yenisabah.az”  saytı “Tanınmış həkimdən TƏBİB rəsmilərinə ağır sözlər: “Yerini bilməyənlər, məsuliyyətsizlər, savadsızlar...” sərlövhəli məqalədə Almaniya-Azərbaycan Radioloji və Neyroradioloji Cəmiyyətinin sədri, Köln Universiteti Klinikasının şöbə müdiri, tibb elmləri doktoru Nurlan Abdullayev

Tibbi Ərazi Bölmələrini İdarəetmə Birliyinin fəaliyyətini dəyərləndirir.

Müəllif bu qurumun fəaliyyətindən narazılığını ifadə edir: “Biri var ki, bilməmək - buna baxmayaraq, bunu dərk edib öyrənməyə çalışmaq və cəhd etmək. Bu, ayıb deyil. Biri də var ki, bilməmək - amma bunu dərk edərək həm də öyrənmək istəməmək və buna heç cəhd etməməmək. Bu isə çox ayıbdır”.

Nurlan Abdullayev deyir ki, bu günlərdə TƏBİB-in uşaqlarda “SARS-CoV-2” virusuna yoluxma zamanı yaydığı protokolla tanış olub. Onun fikrincə, bu protokolun tərtibi bir daha onu göstərir ki, TƏBİB-in işi yuxarıda dediyi misalın ikincisinə aiddir.

Mütəxəssisə görə, protokolda bir çox şeylər səhv qeyd edilib, ən dəhşətlisi isə uşaqlarda müalicə bölümü və burada tətbiqi məsləhət görülən bəzi dərmanların adlarıdır: “Qısaca deyim ki, həmin dərmanların bəzisinin, ümumiyyətlə, dünyada uşaqlarda istifadəsi qadağandır. Digər tərəfdən isə dərmanların adları yazılarkən uşaqlarda ciddi fəsadlar törədə biləcək (hətta ölümə səbəb ola biləcək) yan təsirləri nəzərə alınmayıb.

Müəllif deyir ki, belə protokolun tətbiqində yol verilən məsuliyyətsizlik heç bir halda qəbul edilən deyil, odur ki, bu protokol qısa zamanda dəyişilməli və elmi əsaslarla tərtib olunmalıdır.

“Yeniavaz.com”  saytı  “Koronavirusun Hindistan mutasiyasının əlamətləri hansılardır? - İshal, nəfəs darlığı...” sərlövhəli məqalədə ekspert Ümit Savaşçı koronavirus infeksiyasının müxtəlif mutasiyaları barədə danışır.

Savaşçı deyir ki, Türkiyədə koronavirusun Hindistan mutasiyası aşkarlanıb və bununla bağlı hazırda Hindistanda qorxunc mənzərə var və bəzi insanlarda cüt mutasiya aşkarlanır: “Cüt mutasiya bizim üçün ən qorxunc olanıdır. Hazırda Hindistan mutasiyası 17 ölkəyə yayılıb və verilən məlumata görə, “Biontek” peyvəndi  bu virusa qarşı təsirlidir... Hindistandakı mütəxəssislər bunun simptomlarının çox ağır, digər mutasiyalara görə daha yoluxdurucu və öldürücü olduğunu deyirlər. Doğrusu, bizim də gözümüz qorxdu. Hindistan mutasiyasında ən çox yüksək temperatur, ishal, nəfəs darlığı kimi əlamətlər ön plandadır. Buna görə orada bütün oksigen təchizatı artıq bitib” , - Savaşçı bildirir.

Müəllifə görə, iki  aydan sonra ölkədə əhali arasında kifayət qədər vaksinasiya olunmazsa, yoluxma sayında “partlayış”la qarşılaşa bilərik.

Ümit Savaşçı iddia edir ki, təmaslar davam edərsə, ciddi sağlamlıq problemləri yaşana bilər, insanlar getdikləri yerlərdə təmaslara davam edərlərsə, koronavirusa yoluxarlarsa, çox ciddi xəstəliklərlə qarşılaşa bilərlər.

“Azpolitika.info” saytı  “Sabiq nazir əlillik təyinatını necə biznesə çevirib? - İqtisadçı maraqlı detalları açıqladı” sərlövhəli məqalədə iqtisadçı alim Qubad İbadoğlunun əlillik təyinatlarının gəlir mənbəyinə çevrildiyi barədə düşüncələrinə yer verib.

Qubad İbadoğlu deyir ki, belə hallar Səlim Müslümov Azərbaycanın əmək və əhalinin sosial müdaiəsi naziri olarkən daha çox baş verib.

İqtisadçı alim Müslümovun vəzifə başında olduğu illərdə əlillik təyinatının gəlir mənbəyinə çevrildiyini sübut edən cədvəl paylaşıb.

Müəllif deyir ki, Səlim Müslümov 2013-2018-ci illərdə əmək və əhalinin sosial müafiəsi naziri olub.

Qubad İbadoğlu deyir ki, Müslümovun nazir odluğu dövrdə əlillərin sayında əhəmiyyətli artım baş verib, əlillik dərəcəsi alanların hamısı dövlətin sosial müdafiə prorqamından yararlanıb, onlara ya pensiya, ya da müavinət verilib. 

Müəllif deyir ki, əlilliyi olmayanlar əlillik dərəcəsi alıb, əlilliyi olanlar isə bunu almaqda çətinliklər ilə qarşılaşıblar, indi isə əlillər yenidən, həm də 3-4 pilləli yoxlanışlardan keçirilir, bu dövrdə onlara ödənişlər dayandırılır.

Qubad İbadoğlu isə deyir ki, əlillik müddətinin uzadılması zamanı aşkar edilib ki, bu kateqoriyadan təxminən 30 faizin əlilliyinin əsassız olması üzə çıxıb.

“Yeni Müsavat.com”   saytı “Bakının iki Muradov problemi: Kremlin Qarabağ oyunu yeni “aranjeman”da ...; sərlövhəli məqalədə Rusiya Azərbaycana qarşı “dəvəquşu siyasəti”nə qayıdır?” sərlövhədə Rusiyanın Qarabağda sülh siyasəti təhlil edilir.

Müəllif deyir ki, bir neçə gün öncə İrəvanda “Krım Günləri” çərçivəsində “dəyirmi masa” keçirilib, bu olayda ən çox diqqət çəkən və Azərbaycana birbaşa dəxli olan məqam Rusiya prezidenti yanında “Krım Muxtar Respublikasının daimi nümayəndəsi” Georgi Muradovun separatizmə açıq dəstək verməsi ola bilər.  

Georgi Muradov deyib ki, “vaxtilə Dağlıq Qarabağ, Krım və Dnestryanı bölgələr öz identikliyinin xilası naminə müqəddəratı təyinetmə hüququnu reallaşdırıblar.

Muradov bildirib  ki, indiyədək ölkələrin ərazi bütövlüyü və xalqların öz müqəddəratını təyinetmə kimi hüququ prinsipləri uzlaşdıran bir mexanizm hazırlanmayıb və bu rposes postsovet məkanı da daxil olmaqla, dünyada bir sıra qarşıdurmalara səbəb olur.

Müradova görə, bu vəziyyətdən çıxış yolu Krımda, Qarabağda, Dnestryanıda, Donetskdə və Luqanskda olduğu kimi, öz müqəddəratını təyinetmə hüququnun reallaşdırılmasıdır. Müəllif  vurğulayır ki, Georgi Muradov sıradan bir adam deyil, Rusiya prezidentinə yaxın adamdır və çətin ki Kremldəki ovqatı bilmədən, iznsiz-belə hətərən-pətərən danışsın.

Müəllifə görə, Georgi Muradov Putinə yaxın adamdır və görünür, Kreml sahibinin Ermənistana və “Artsax”a münasibətindəki dəyişiklikləri hiss edib.

Müəllif deyir ki, rusiyalı politoloq, Avrasiya Hərəkatının lideri, Kremlin sözçülərindən Aleksandr Duqinə görə, Qarabağda qələbə qazanmaqla Rusiya Bakıya vədlərini tutdu, indi növbə Bakınındır. 

Duginə görə, əks halda, Bakı faktiki hərbi qələbəni itirə bilər və bunun olmaması üçün qələbənin nəticələri möhkəmləndirilməidir. Dugin hesab edir ki, Azərbaycanın Kollektiv Təhlükəsizlik Müqavləsi Təşkilatna  və Avrasiya İqtisadi Birliyinə qoşulma vaxtı gəlib və bunun təxirə salınması Moskvada “anlaşılmazlığa” səbəb ola bilər. “Beləcə, Moskva Qarabağ oyununu yeni “aranjemanda” davam etdirir. O zaman bədəlinə də hazır olmalıdır. Hər halda Azərbaycan Ukrayna deyil...”, - müəllif bildirir.