Həsən Ruhani: «Üçtərəfli Bakı danışıqları çox əhəmiyyətlidir»

İran prezidenti Həsən Ruhani bildirib ki, Azərbaycan paytaxtında İran, Azərbaycan və Rusiya prezidentləri arasında üçtərəfli görüşün mühüm əhəmiyyət daşıdığını bildirib.

Bu barədə o, bazar günü Bakıya gəlməzdən öncə bildirib. Avqustun 8-də üçtərəfli formatda danışıqlar olacaq, İRNA agentliyi məlumat verib.

“Danışıqlarda əsas diqqət  “Şimal-Cənub” beynəlxalq nəqliyyat dəhlizi layihəsinə yönələcək”, - İran prezidenti vurğulayıb.

“Şimal-Cənub” nəqliyyat dəhlizi Hindistan, Rusiya, İran, Avropa və Mərkəzi Asiya arasında dəniz, dəmir yolu və avtomobil marşrutunu nəzərdə tutur.
”Bakıda üçtərəfli danışıqlar qonşu ölkələrlə əməkdaşlıq, Yaxın Şərq və Qafqazda vəziyyət, sabitlik baxımından mühüm önəm kəsb edir”, - Ruhani qeyd edib.

“Bakıda üç ölkə arasında ikigünlük danışıqlar ilk dəfə keçiriləcək”, - o əlavə edib.
Bakı səfərindən danışan Ruhani deyib ki, ikitərəfli əlaqələrə, terrorizmə qarşı regional mübarizəyə həsr olunan bir neçə ikitərəfli və üçtərəfli görüşlər keçiriləcək.

Son illər Azərbaycanla münasibətlər genişlənib, Rusiya ilə əlaqələr strateji məqsədlərə nail olunmasına yönəlib”, - İran prezidenti qeyd edib.
”İranla həmin ölkələr arasında müxtəlif beynəlxalq və regional məsələlər üzrə yaxşı əməkdaşlıq var”, - Ruhani vurğulayıb.
Onun sözlərinə görə, “Şimal-Cənub” nəqliyyat dəhlizi ölkələr üçün böyük rifah sayılır.
Nəqliyyat dəhlizində məqsəd  Mumbai, Moskva, Tehran, Bakı, Bəndər Abbas, Həştərxan, Ənzəli və digər şəhərlər arasında ticarət əlaqələrinin  genişləndirilməsidir.—0--