Sarasadat Khademalsharieh
Hicabını atan iranlı şahmatçı İspaniya yığmasının heyətində Bakıda keçirilən dünya kubokunda iştirak edir
Bakı/02.08.23/Turan: Bakıda keçirilən şahmat üzrə Dünya Kuboku 26 yaşlı İran əsilli şahmatçı Sarasadat Xademalşəhriyənin iştirakı ilə beynəlxalq ictimaiyyətin diqqətini cəlb edib.
Qız ötən il İranda hicabın məcburi geyinilməsinə qarşı keçirilən etiraz aksiyalarından sonra məşhurlaşıb.
Qazaxıstanda keçirilən beynəlxalq turnirdə onun yarışa hicabsız çıxması İran hakimiyyətinin kəskin tənqidinə səbəb olub.
Bundan sonra o, İspaniyaya mühacirət edib və dünya çempionatı ərəfəsində İspaniya vətəndaşlığını alıb.
O, Bakıda İspaniya millisində çıxış edir.
Yüksək reytinqə görə Sarasadat mübarizəyə ikinci raunddan - 1/32 finaldan başlayır.
Bu gün o, İndoneziyadan olan Aulia Medina Varda ilə görüşür.
İndoneziyalı 1/128 finalda filippinli Frayna Janelle Maeni 1,5:0,5 hesabı ilə məğlub edib. 06В
Siyasət
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
-
Yanvarın 23-də Azərbaycan Talışları İctimai Şurasının üzvü Hilal Məmmədov Dövlət Təhlükəsizliyi Xidmətinə çağırılıb. O, Turan-a bildirib ki, bu gün Dövlət Təhlükəsizliyi Xidməti Nizami rayon şöbəsinin əməkdaşları Dövlət Təhlükəsizliyi Xidmətinin Baş İstintaq İdarəsinin bildirişini ona gətiriblər.
Rəy yaz