Hikmət Hacıyev. Açiq mənbələrdən foto.
Hikmət Hacıyev: “Erməni diasporu faktiki olaraq terrorizmi maliyyələşdirir”
Bakı/06.11.20/Turan: Azərbaycan prezidentinin köməkçisi Hikmət Hacıyev bildirib ki, erməni diasporu qeyri-hökumət təşkilatlarının vasitəsilə vəsait toplayır və Azərbaycanın işğal olunmuş ərazilərində döyüşən erməni ordusunu maliyyələşdirir. Bunu ermənilərin sosial şəbəkələrdəki yazışmaları sübut edir.
Artıq ilk dəfə deyil ki, erməni diasporu QHT-lər və xeyriyyə təşkilatları adı altında Azərbaycanın işğal olunmuş ərazilərində qanunsuz fəaliyyətə dəstək vermək, silah almaq və müharibəni davam etdirmək üçün vəsait toplayır. Vəsaitlər Qarabağda separatçıların hesablarına köçürülür ki, bu da faktiki olaraq terrorizmin maliyyələşdirilməsidir.
“Terrorizmin maliyyələşdirilməsinə qarşı mübarizə üzrə 1999-cu il Beynəlxalq Konvensiyasına və BMT TŞ - nin 1373 (2001-ci il), 2178 (2014-cü il), 2195 (2014-cü il) və 2347 (2017-ci il) saylı qətnamələrinə uyğun olaraq qeyri-kommersiya təşkilatlarının yuxarıda göstərilən istiqamətlərdə fəaliyyəti terrorizmin maliyyələşdirilməsi kimi qiymətləndirilir”, - H.Hacıyev qeyd edib.
Azərbaycan BMT üzvü olan ölkələri bizim ölkəmizin suverenliyinə və ərazi bütövlüyünə qarşı yönəlmiş erməni terrorunun maliyyələşdirilməsi üçün öz ərazilərindən istifadənin qarşısını almağa çağırır, Hikmət Hacıyev vurğulayıb. -02D-
Siyasət
-
Amerikalı senator Marko Rubio Azərbaycanda müxalif siyasətçi və iqtisadçı Qubad İbadoğluna qarşı cinayət işinin tam xitam verilməsinə çağırıb. Bu barədə senator X sosial platformasında yazıb. Rubio bildirib ki, İbadoğlunun işi bir daha “dünyada azadlıq və firavanlıq üçün cəsarətlə mübarizə aparan insanların üzləşdiyi mənasız təqibləri” xatırladır.
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
Rəy yaz