Media-icmal 06.11.20

“Azərbaycan” qəzeti  “Ali rəhbərin bəyanatı İran-Azərbaycan münasibətlərində yeni səhifə açacaq” sərlövhəli məqalədə İran İslam İnqilabının ali rəhbəri ayətullah Seyid Əli Xamneyinin Ermənistan-Azərbaycan Dağlıq Qarabağ münaqişəsinə dair açıqlaması dəyərləndirilir.

Müəllif  bu açıqlamanı Azərbaycanın haqq mübarizəsinə rəsmi Tehranın yüksək səviyyədə dəstəyi kimi xarakterizə edir.

Müəllif hesab edir ki, ali rəhbər də həmişə olduğu kimi, bu dəfə də xalqının iradəsini ifadə edib, bu açıqlama Ermənistanla yanaşı, yerli erməni icmasına da dərs oldu.

“Beləliklə, İranın ali rəhbərinin noyabrın 3-də dövlət televiziyasında çıxışı zamanı Azərbaycanın haqlı olduğunu bəyan edərək "Azərbaycan Respublikasının Ermənistan tərəfindən işğal olunmuş bütün torpaqları azad olunmalıdır.... Bu torpaqlar Azərbaycanındır və Azərbaycan Respublikasının öz torpaqlarını azad etmək yolundakı mübarizəsi onun haqqıdır” deməsi Azərbaycan-İran münasibətlərində yeni səhifə açacaq” deyə müəllif bu sənəddən perspektivə baxış nümayiş etdirir.

Müəllifin fikrincə, bu sənəddə Ermənistan tərəfin Azərbaycanın işğal olunmuş torpaqlarını dərhal azad etməli olduğu vacib mesajdır.

Müəllif hesab edir ki, İranın ali lideri Ermənistanı işğalçı kimi təqdim etməklə rəsmi İrəvana təzyiq göstərmiş oldu.

Müəllif hesab edir ki, indi ola bilsin ki, Ermənistan hakimiyyəti onu işğalçı sayan İran ali liderinin hansı gücə və nüfuza malik olmasını yaxşı başa düşdüyü üçün bu çıxışdan nəticə çıxaracaqdır.

“Moderator.az”  saytı “Ermənilərin Qarabağda partizan müharibəsi aparmağa  nə cəsarəti, nə də imkanı çatar...” sərlövhəli məqalədə müəlif  erməni tərəfin Azərbaycana qarşı partizan müharibəsi aparmaq barədə yaydıqları söz-söhbəti dəyərləndirir.  

Müəllifi deyib ki, bu düşüncənin ortaya atılmasna səbəb erməni hərbi qüvvələrinin Azərbaycan ordusu tərəfindən ağır zərbələr alması, canlı qüvvə və texnki baxımdan ciddi itkilər verməsidir.  

Müəllif hesab edir ki, elə bu səbəbdən Ermənistan tərəf xalqı sakitləşdirmək üçün guya  “könüllülər”lə birgə Azərbaycana qarşı uzunmüddətli partizan müharibəsi aparacağı haqda şayiələr yayırlar.

Qarabağ qazisi, dağ-meşə döyüşlərində xüsusi təcrübəyə malik keçmiş tabor komandiri, istefada olan mayor  Gəray Əsədov həm hərbi, həm iqtisadi-sosial cəhətdən  miskin durumda olan qəsbkar Ermənistanda səslənən bu iddianı gülünc adlandırıb.

G.Əsədov deyir ki, Ermənistanda səslənən bu fikirlər xülyadır və heç bir ciddi əsası yoxdur. “Azərbaycan ordusunun  tamamilə nəzarətinə keçməkdə olan torpaqlarımızda partizan hərəkatı aparmağa nə cəsarətləri, nə də iqtisadi imkanları çatacaq. ...Və qəsbkar Ermənistanın əhalsinin də, dövlətinin də, iqtisadiyyatının da, ordusunun da  acıncaqlı durumu göz qabağındadır”- hərbçi vurğulayıb.

“Redaktor.az” saytı “Azərbaycan ABŞ üçün əlverişli tərəfdaşdır - Bayden seçilərsə...” sərlövhəli məqalədə müəllif Co Bayden prezident seçiləcəyi kontekstində ABŞ-Azərbaycan münasibətlərini politoloq İlqar Vəlizadə ilə dəyərləndirir.

Müəllif deyir ki, bu il sentyabrın 3-də ABŞ-da prezident seçkiləri keçirilib, səslərin sayılması davam edir, Co Bayden rəqibi D.Trampı 2% qabaqlayır.

Politoloq vurğulayır ki, səsvermənin nəticələrinə görə, Bayden Trumpdan 2% üstündür və bu, əslində çox böyük bir fərqdir, çox güman ki, Bayden qalibiyyətini elan edəcək. 

Politoloq  deyir ki, C.Bayden vitse-prezidenti olduğu zaman Barak Obamanın siyasət kursunu icra edib: “Daha çox daxili siyasətlə məşğul olub, nadir hallarda xarici siyasət onu marağlandırır. Lakin indi vəziyyət tamam başqadır. Onun ilk düzəlişləri elə D.Trumpın mövcud siyasəti olacaq. Bu da ABŞ siyasətinə kifayət qədər yeni çalarlar gətirəcək. C.Bayden realist insandır, bu reallıqdan çıxış edərək siyasi yöndə də real vəziyyətə uyğun addımlar atacaq".

Ekspert C.Baydenin seçilməsinin Azərbaycan üçün faydalılığı barədə deyib ki, Azərbaycanın hazırki gücü ABŞ üçün vacib amildir:

O bildirir ki, ABŞ-da siyasətçilər seçkiöncəsi ermənipərəst fikirlər səsləndirirlər, bu da onların səsini qazanmaq üçün lazımdır.: “ C.Bayden də belə fikirlərlə çıxış etmişdi. Amma bu, heç də o demək deyil ki, onun gələcək siyasəti ermənipərəst olacaq”, - o bildirir.

Politoloqa görə, ABŞ-ın iqtisadi, siyasi maraqlarını təmin etməkdə Azərbaycan daha güclü, əlverişli, faydalı tərəfdaşdır, odur ki, təcrübə də göstərir ki, ABŞ güclülərlə işləyir.