Cümə günü “Tolışi sədo” qəzetinin redaktoru Hilal Məmmədovun işi üzrə məhkəmədə hakim onun 5 il müddətinə azadlıqdan məhrum edilməsi haqqında hökm çıxarıb.
Məhkəmə onu bütün ittihamlar üzrə təqsirli bilib. O, cəzasını ciddi rejimli cəzaçəkmə müəssisəsində çəkməlidir.
Hakim hökmü oxuyarkən zalda iştirak edənlər məhkəmənin ünvanına lənət yağdırmağa başlayıblar.
Hilal Məmmədov özü zala müraciət edərək, onu yalnız Yaradanın mühakimə edə biləcəyini deyib. Bundan başqa, o, xüsusi olaraq jurnalistlərə müraciət edib və qeyd edib ki, əfv istəmək niyyətində deyil.
Məmmədovun vəkilləri hökmü ədalətsiz, əsassız adlandırıblar və apellyasiya verməyə hazırlaşırlar.
* Məmmədov 21 iyun 2012-ci ildə həbs edilib. O, dövlətə xəyanətdə milli ayrı-seçkilik salmaqda və narkotik ticarətində ittiham olunur. Dövlət ittihamçısı məhkəmədən Hilal Məmmədovu 6 il müddətinə azadlıqdan məhrum etməyi istəmişdi.
Qeyd edək ki, bugünki məhkəmə iclasını Aİ, ATƏT, ABŞ, Almaniya, Fransa, Norveç səfirliyinin nümayəndələri və başqaları müşahidə ediblər. -06D-
2013 Sentyabr 27 (Cümə) 14:20:37
“Tolişi Sədo” qəzetinin redaktoru Hilal Məmmədov bu gün son sözündə məhkəməni ədalətli qərar qəbul etməyə çağırıb.
Məmmədov həbsdə olduğu bir il ərzində onu müdafiə edənlərə, taleyi ilə maraqlananlara təşəkkür edib. O vəkilinə xüsusi təşəkkür edib.
H.Məmmədov ona qarşı irəli sürülən ittihamların “Azərbaycanın imicinə və hüquq-mühafizə orqanlarına utanc” gətirdiyini deyib. “Bunu prokurorluğun, Milli Təhlükəsizlik Nazirliyinin, Ədliyyə Nazirliyinin, Penitensiar Xidmətin nümayəndələri görüşlərində etiraf edib. Həm də buna qarşı heç nə edə bilmədiklərini etiraf ediblər”, o qeyd edib.
Onun fikrincə, məhkəmənin hazırda iki yolu var: ədalətli və qeyri ədalətli qərar qəbul etmək. “İkinci halda belə mən ruhdan düşməyəcəm və məni müdafiə edənləri ruhdan düşməməyə çağırıram”, Məmmədov bildirib.
O hətta dəmir barmaqlılar arxasında belə demokratik dövlət qurulanadək mübarizəsinin davam etdirəcəyini bəyan edib.
Hakmi məhkəmənin hökmünü bu gün saat 16-da elan edəcək.
Hilal Məmmədov 2012-ci il iyunun 21-də həbs olunub. O vətənə xəyanətdə, milli ədavəti qızışdırmaqda və narkotik ticarətində günahlandırılır.
Dövlət ittihamçısı Məmmədova 6 il həbs istəyib. Məhkəmə prosesini Avropa İttifaqı, ATƏT, Amerika, Almaniya, Fransa, Norveç və başqa səfirliklərin nümayəndələri izləyib. -0603D-
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz