Qarabağ müharibəsində Azərbaycanın uğurlu əməliyyatlarından olan Horadiz döyüşündən 20 il keçir.
1994-cü ilin 5-6 yanvarında Milli Ordunun qrupları əks-hücuma keçərək Horadiz qəsəbəsini və Füzulinin 20 kəndini azad edib. Ermənilər ağır itki verərək 25 km geriyə atılıb.
Müdafiə Nazirliyinin mətbuat xidmətinin məlumatına görə, 6 yanvar saat 19-da Azərbaycan ordusu ermənilərin Ağdam-Beyləqan istiqamətində hücumunun qarşısını alıb. Ciddi itki alan düşmən Aşağı Yağlıvənd, Kərimbəyli, Şükürbəyli kəndlərindən, həmçinin Horadiz qəsəbəsindən çıxıb.
Azərbaycan ordusu İran-Azərbaycan sərhədinin 40 km-də nəzarəti bərpa edib.
Ermənilərin itkisi belə olub: 8 tank, 7 qaubitsa, 12 tank əleyhinə texnika, 6 qoşqu, 3 avtomobil və s.
9 dekabr 1993-cü ildən 6 yanvar 1994-cü ilə kimi bu sahədə 500 əsgər və zabit, 32 tank, 7 BMP, 5 avtomobil, 10 qaubitsa və top, 6 minaatan itirib.
Milli Ordu həmçinin iki tank əleyhinə "Şturm-С" kompleksi ələ keçirib. "Şturm-С" kompleksi 7-ci rus ordusunda olmayıb. Demək, bu müasir silahı ermənilər ələ keçirən kimi Azərbaycana qarşı istifadə ediblər.
Hərbi ekspert Üzeyir Cəfərov bildirib ki, düşmən o vaxt Beyləqan rayonunun Daşburun qəsəbəsinə kimi gəlibmiş, amma Azərbaycan ordusu onları çıxarıb.
O vaxt ermənilər taktikanı dəyişib Füzulinin bir neçə kəndini ələ keçirib. Bu vaxt əks-hücum qərarı verilib. Bu cəhbəyə Tərtər istiqamətindən polkovnik (indi generaldır) Yaşar Aydəmirovun rəhbərliyi ilə birliklər atılıb.
5 yanvarda Milli Odu hücuma keçərək düşməni qovub.
Əməliyyatda general Arif Salahovun (mərhum) və Mikayıl Bayrmovun xüsusi xidmətləri olub. Ümumi rəhbərliyi general Şahin Ramaldanov həyata keçirib.
Ramiz Məmmədov və Məmməd Hacıyevin rəhbərlik etdiyi daxili qoşun hissələri də əməliyyatda iştirak edib. Amma siyasi rəhbərliyin qərarı ilə əməliyyat dayandırılıb, deyə Cəfərov qeyd edib. Bu, baş verməsə idi, düşmənə müharibənin gedişinə təsir edən ağır zərbə vurulardı.
İstənilən halda «Horadiz əməliyyatı» mühüm mənəvi-psixoloji əhəmiyyətə malik idi.—06B—
Siyasət
-
Dekabrın 28-də fəal Bəxtiyar Hacıyevin işi üzrə prosesdə dövlət ittihamçısı onun 11 il azadlıqdan məhrumetmə cəzasına məhkum edilməsini istəyib. Müdafiə tərəfi bununla razı deyil və fəala bəraət verilməsində israr etmək niyyətindədir. Növbəti iclas yanvarın 6-na təyin edilib.
-
Dekabrın 25-də AZAL-a məxsus təyyarə qəzasını araşdırmaq üçün türkiyəli ekspertlərdən ibarət istintaq qrupu Bakıya gəlib.
-
Cümə günü Birləşmiş Ştatlar demokratiya xələl gətirdiyinə görə gürcü milyarder Bidzina İvanişviliyə - ölkənin faktiki liderinə qarşı sanksiyalar tətbiq edib. Sanksiyalar İvanişviliyə məxsus olan bütün Amerika aktivlərini dondurur, bu barədə cümə günü ABŞ Dövlət Departamentinin və Maliyyə Nazirliyinin nümayəndələri jurnalistlərə bildiriblər. Yeni tədbirlərlə İvanişviliyə məxsus olan qurumların iştirakı ilə həyata keçirilən tranzaksiyalar da dayandırılacaq. Xəbəri Turan-ın müxbiri verib. Dövlət katibi Entoni Blinken bildirib ki, İvanişvili və onun partiyası "Gürcüstanın Avroatlantik gələcəyinə mane olaraq" onu "Gürcüstan ərazisinin 20 faizindən çoxunu işğal altında saxlamaqda davam edən" Rusiya qarşısında müdafiəsiz qoyub.
-
Çeçenistan, Baki-Qroznı marşrutu üzrə hərəkət edən Embraer 190 təyyarəsinin qəzaya uğraması ilə əlaqədar 28 dekabr tarixində matəm günü elan edəcək. Çeçen lideri Ramzan Kadırov tərəfindən imzalanmış fərman yerli "Çeçenya Today" xəbər agentliyi tərəfindən bildirilib.
Rəy yaz