Bakı/13.04.20/Turan: Parlament seçkiləri başa çatdıqdan sonra hakimiyyəti tənqid edənlərə qarşı yeni repressiya dalğası başlayıb. Bu barədə Turan-a Repressiyalar və İşgəncələr Əleyhinə Komitənin üzvü Əlövsət Sadıqlı bildirib.
Belə ki, martın 13-də Şirvan şəhərində Araz Quliyev qaçırılıb. Bu, Xalq TV Youtube kanalında hakimiyyəti kəskin tənqid etdikdən və Yeni Azərbaycan Partiyasının üzvlük biletini nümayişkaranə şəkildə cıraraq yandırdıqdan sonra baş verib.
Ə.Sadıqlı A.Quliyevin hazırda işgəncələrə məruz qaldığına ehtimal edir.
Martın 13-də Müsəlman Birliyi Hərəkatının (MBH) üzvü Elvin Mürvətoğlu da yoxa çıxıb. O, məscidə getmək üçün evdən çıxdıqdan sonra onunla əlaqə kəsilib.
E.Mürvətoğlu MBH lideri, həbsdə olan Tale Bağırzadəyə həsr olunmuş mahnıların müəllifi kimi tanınır.
Fevralın 5-də Rusiyadan qayıdarkən hava limanında saxlanılmışdı.
Repressiya və İşgəncələr Əleyhinə Komitə həmçinin fəal Fuad İsmayılovun 2 ay müddətinə inzibati həbsi ilə bağlı açıqlama yayıb.
32 saylı Suraxanı üçüncü seçki dairəsində məntəqə seçki komissiyasının məşvərətçi səs hüquqlu üzvü olan Fuad İsmayılov 9 fevral səsverməsi zamanı pozuntulara dair video yayıb. Eyni zamanda polis əməkdaşları onu məntəqədən zorakılıqla uzaqlaşdırıblar.
Seçkilərdən sonra o, MSK-nın qarşısındakı binanın divarına “Fu, Məzi!” sözlərini yazıb və bununla da seçkilər zamanı saxtakarlıq barədə şikayətlərə baxmaqdan imtina etdiyinə görə MSK rəhbərinə etirazını bildirib. Martın 7-də F.İsmayılov narkotik maddə istifadəsi ittihamı ilə inzibati qaydada iki ay müddətinə həbs edilib. Martın 13-də Apellyasiya Məhkəməsi hökmü qüvvədə saxlayıb.
Bəyanatda qeyd olunur ki, işgəncələr nəticəsində F.İsmayılovun qulağı zədələnib, dişləri qırılıb, o, daim fiziki və mənəvi təzyiq altındadır, vəkili ilə görüşdən məhrum edilib. Fəal martın 7-dən aclıq edir. Təcili tədbirlər görülməsə, F.İsmayılovun həyatı təhlükə altına düşə bilər.
Komitə F.İsmayılova qarşı fiziki və psixoloji təzyiqləri pisləyib, işgəncələrdə əli olan polis əməkdaşlarının müəyyənləşdirilərək cəzalandırılmasını və gələcəkdə belə hərəkətlərə son qoyulmasını tələb edib.06В-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz