![Hüquq müdafiəçiləri siyasi məhbusların problemlərinə dair təkliflərini Avropa Şurasına təqdim ediblər](https://turan.az/resized/media/2012/main/062800004114-750-500-resize.webp)
Hüquq müdafiəçiləri siyasi məhbusların problemlərinə dair təkliflərini Avropa Şurasına təqdim ediblər
Strasburqda olan Azərbaycan hüquq müdafiə təşkilatlarının Monitorinq Qrupunun nümayəndə heyəti Azərbaycanda siyasi məhbusların siyahısını AŞPA-nın müxtəlif strukturlarına təqdim edib.
Novella Cəfəroğlu, Səidə Qocamanlı, Səadət Bənənyarlı və Çingiz Qənizadə siyasi məhbusların siyahısını AŞ insan haqları üzrə komissar Nils Muiznieks, AŞPA Monitorinq Komitəsinin rəhbəri Anders Herkel, məruzəçilər Pedro Aqramunt və Cozef Qrexə təqdim ediblər.
“Biz komissardan və AŞPA-nın digər nümayəndələrindən xahiş etdik ki, Azərbaycan hökumətini siyasi məhbuslarla bağlı problemi həll etməyə çağırsın”, - N.Cəfəroğlu Turan-ın müxbirinə bildirib. Onun sözlərinə görə, Monitorinq Qrupunun siyahısında 10 siyasi məhbusun adı var.
Monitorinq Qrupunun digər üzvü Səidə Qocamanlı deyib ki, siyahıya aprel aksiyasının iştirakçıları Şahin Həsənli və Vidadi İsgəndərli, həmçinin keçmiş iqtisadi inkişaf naziri Fərhad Əliyev və onun qardaşı Rafiq Əliyev, keçmiş səhiyyə naziri Əli İnsanov, Milli Dövlətçilik Partiyasının lideri Nemət Pənahlı daxildir. Bundan əlavə, siyahıya Telman İsmayılovun (İranın xeyrinə casusluqda ittiham olunan, 4 ay həbs müddəti qalır), Şəmsi Abdullayevin (keçmiş XTPD-çi), Dəyanət Kərimovun (keçmiş vitse-spiker Afiyəddin Cəlilovun ölümünə görə mühakimə olunub) və Şəmsi Səmədzadənin (biznesmen) adları salınıb.
Bundan əlavə, Monitorinq Qrupu “Səid Dadaşbəylinin qrupu” (10 nəfər hakimiyyətin zorla ələ keçirilməsinə cəhdə və İranın xüsusi xidmət orqanları ilə əməkdaşlığa görə ittiham olunub – qeyd Turan) işi üzrə mühakimə olunmuşların məsələsinə baxılmasını təklif edir.
“Onların məhkəmə prosesi qapalı olub və cinayət işini qiymətləndirmək mümkün deyil. Odur ki, yeni şəffaf prosesin keçirilməsini təklif edirik”, - N.Cəfəroğlu bildirib.
Hüquq müdafiəçiləri İslam Partiyasının lideri Mövsüm Səmədovun və onunla birlikdə həbs olunmuş digər adamların (8 nəfər) işi üzrə təkrar prosesin keçirilməsini istəyirlər.
Həmçinin hüquq müdafiəçiləri AŞPA-nın 15.45 saylı qətnaməsinin 8.9-cu bəndinin yerinə yetirilməsini təklif edirlər. 2007-ci ilin aprelində qəbul olunmuş bu qətnamə 2000-ci ilədək mühakimə olunmuş şəxslərin ömürlük həbs cəzasının həmin il qüvvəyə minmiş yeni Cinayət Məcəlləsində nəzərdə tutulan daha yüngül cəza ilə əvəzlənməsinə aiddir. —06C--
-
- Foto sessiyalar
- 28 İyun 2012 15:32
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz