Hüquq müdafiəçisi Elçin Namazov 15 sutkalığa həbs olunub. Bu inzibati cəza haqda qərar noyabrın 25-də Xətai Rayon Məhkəməsində çıxarılıb. Məhkəmə onu polisə tabe olmamaqda təqsirli bilib. Bu barədə E.Namazovun qardaşı Əkrəm Namazov bildirib.
Eyni zamanda E.Namazovun ofisində axtarış aparılıb və sənədlər, o cümlədən vəkil kimi keçdiyi məhkəmə işlərinin materialları götürülüb.
E.Namazov DİN Baş Mütəşəkkil Cinayətkarlığa Qarşı Mübarizə İdarəsində saxlanılır və yanına vəkil buraxılmır. Bütün bunlar belə güman etməyə əsas verir ki, inzibati həbsin müddəti başa çatdıqdan sonra ona qarşı cinayət ittihamının sürülməsi hazırlanır.
E.Namazov əvvəllər vəkil olub və onun müdafiə etdiyi şəxslərin arasında siyasi fəallar var.
2011-ci ildə Müsavat Partiyasının gənc fəalı Rüfət Hacıbəylinin hüquqlarını müdafiə edərkən Vəkillər Kollegiyasından çıxarılıb. R.Hacıbəyli həmin il aprelin 2-də Bakıda Fəvvarələr Meydanında hökumət əleyhinə etiraz aksiyasında iştiraka görə həbs olunub.
Bundan sonra E.Namazov hüquq-müdafiə fəaliyyəti ilə məşğul olub, hüquqi nümayəndə kimi mülki işlər üzrə məhkəmə proseslərinə çıxıb.06D--
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz