![III Respublika Platforması: Parlament seçkiləri total saxtakarlıq şəraitində keçirilib](https://turan.az/resized/news/2024/LsYIJXxiLV26cJFvMPUZSDfxR4fup5Ntw85NjvKE-750-500-resize.webp)
III Respublika Platforması: Parlament seçkiləri total saxtakarlıq şəraitində keçirilib
III Respublika Platforması: Parlament seçkiləri total saxtakarlıq şəraitində keçirilib
III Respublika Platforması sentyabrın 1-də keçirilən növbədənkənar parlament seçkilərilə bağlı mövqe sənədini açıqlayıb. Sənəddə seçki mühitinin qeyri-azad və ədalətsiz olduğu, səsvermənin toral saxtakarlıq şəriatində keçirildiyi bildirilır.
“Səsvermə günü ənənəvi seçki pozuntuları ilə müşayiət olundu. Seçkilərin keçirilməsinə məsul qurumlar seçkilərin necə keçirilməməli olduğunu göstərən nümunə sərgilədi. Bir çox seçki məntəqələrində müşahidəçilərə maneələr yaradıldı və bir sıra hallarda zorakılıqlar baş verdi. Məntəqə seçki komissiyalarının üzvləri aşkar şəkildə seçki saxtakarlıqlarına rəvac verən hərəkətlər törətdilər. Bunlara nümunə kimi topa bülletenlərin atılması, seçki prosesinin müşahidəsinə və jurnalistlərin fəaliyyətinə mane olma, şəxsiyyət vəsiqəsini yoxlamadan səsverməyə buraxma, “karusel” kimi halları qeyd etmək olar”, - sənəddə deyilir.
Qeyd olunur ki, ölkədə seçkiqabağı təşviqat mühitinin olmaması ilə yanaşı, səsvermə gününü ədalətsiz təşkil edilib.
“Çətinliklərə və əngəllərə baxmayaraq, bir çox gənc vətəndaşımız seçkilərdə müşahidəçi kimi iştirak edərək səsvermə günü baş verən pozuntuları aşkar etməyə çalışdı”, - sənəddə deyilir.
Bildirilir ki, seçkilərin hazırda elan edilən nəticələrinə əsasən Yeni Azərbaycan Partiyası və formal bitərəflər parlamentdə çoxluq, YAP-ın “peyk partiyaları” isə azlıq təşkil edir.
“Bu, bir daha nümayiş etdirir ki, Əliyev hökumətinin Azərbaycanda azad və ədalətli seçkilər keçirmək istiqmətində siyasi iradəsi mövcud deyil. Hazırda seçildiyi elan edilən heyət əvvəlki çağırış parlamentin heyəti ilə əsasən üst-üstə düşür. Bu da Əliyev hökumətinin “yuxarıdan islahat” keçirəcəyinə dair inamın təxəyüldən ibarət olduğunu nümayiş etdirir”, -sənəddə deyilir.
III Respubkika Platforması hesab edir ki, II Qarabağ müharibəsi dövründə torpaqların işğaldan azad edilməsi naminə “İlham Əliyevin ətrafında konsolidə olan ictimai rəy aradan qalxıb və xalqın artıq dövlət başçısına etimadı yoxdur”.
“Belə ki, seçkilərdə aşağı iştirakçılıq göstərməklə və hökumətin ritorikasına zərrə qədər dəstək verməməklə ölkə əhalisi hökumətə olan inamsızlığını nümayiş etdirdi.
Hazırda ölkəmizdə ağır sosial-iqtisadi şərait mövcuddur. Bu şərait ölkənin siyasi həyatına da təsir edir. Problemlər yalnız sistemli və struktural iqtisadi islahatlar, demokratik iştirakçılıq və insan haqlarının tanınması yolu ilə aradan qaldırıla bilər. Son parlament seçkilərinin keçirilməsi və nəticələri bir daha təsdiq edir ki, hökumətin bu iqtisadi problemləri aradan qaldıra biləcək vizyonu və iradəsi mövcud deyil. Əksinə, siyasi repressiyanı artırmaqla problemlərin səsləndirilməsinə maneə yaradır və bununla da problemləri təxirə salır”, - sənəddə qeyd edilir.
* III Respubkika Platforması 2023-cü ilin dekabrında bir qrup ictimai fəal tərəfindən təsis edilib və qanunverici, icra və məhkəmə orqanları arasında ağlabatan balansa tərəfdarıdır. Platforma üzvləri siyasi təşkilat kimi ölkənin siyasi həyatında fəal iştirakı planlaşdırırdılar. Lakin 2024-cü ilin martında hakimiyyət bu təşkilatın iki aparıcı xadimini - Akif Qurbanovu və Ruslan İzzətlini xaricdən qanunsuz maliyyələşmədə ittiham edərək həbs edib.
-
- Dünyada
- 4 Sentyabr 2024 13:33
-
- İqtisadiyyat
- 4 Sentyabr 2024 14:11
Siyasət
-
Ermənistanın xarici işlər nazirinin müavini Mnatsakan Səfəryan təsdiqləyib ki, Ermənistanın Sünik vilayəti (Zəngəzur dəhlizi) vasitəsilə nəqliyyat kommunikasiyalarının təhlükəsizliyinə nəzarət özəl təhlükəsizlik agentliklərinə verilə bilər.
-
Bazar günü Azərbaycanda keçirilmiş növbədənkənar parlament seçkiləri prezident İlham Əliyevin Yeni Azərbaycan Partiyasına gözlənilən qələbəni gətirdi. Eyni zamanda, "marionet və ya cib müxalifəti qrupları" olan digər partiyaların nümayəndələri də 125 yerlik parlamentə keçib. Bu barədə Norveç Helsinki Komitəsinin sentyabrın 4-də yaydığı bəyanatda deyilir.
-
Sentyabrın 4-də Jurnalistlərə Ədalət Beynəlxalq Fondu 2023-cü ildə keçmiş SSRİ ölkələrində jurnalistlərin hüquqlarının pozulmasına dair hesabat dərc edib. Hesabatdakı məlumatlardan açıq mənbələrdə istifadə olunub.
-
Ötən gecə Ukraynanın Lvov şəhəri güclü hava hücumuna məruz qalıb. Çoxlu yaralı var, iki uşağın vəziyyəti ağırdır.
Rəy yaz