Açiq mənbələrdən foto.
Bakı/12.06.23/Turan: Azərbaycanın baş prokuroru yanında Korrupsiyaya Qarşı Mübarizə Baş idarəsində Milli Məclisin keçmiş deputatı Dünyamin Xəlilov və onunla əlbir olan Azad Cavadovun işi üzrə ibtidai istintaq başa çatıb.
Onlar "Azərbaycan Beynəlxalq Bankı" Açıq Səhmdar Cəmiyyətinin keçmiş vəzifəli şəxslərilə əlbir olaraq törədilmiş cinayətlərdə ittiham olunurlar, Azərbaycan Baş Prokurorluğunun məlumatında deyilir.
İstintaqın məlumatına görə, Xəlilov və Cavadov Azərbaycan Beynəlxalq Bankının keçmiş rəhbər işçilərilə birlikdə sabit cinayətkar qrup yaradıblar.
İstintaq zamanı Xəlilov və Cavadovun rəhbərlik etdikləri "General Construction" və "Bakı fındıq emalı müəssisəsi" şirkətlərinin əməkdaşlarına Azərbaycan Beynəlxalq Bankının müxtəlif filialları vasitəsilə kredit verməklə 6 milyon 642 min manat mənimsədiklərinə əsaslı şübhələr yaranıb.
Onlara qarşı Cinayət Məcəlləsinin 179.3.1 və 179.3.2-ci (mütəşəkkil dəstə tərəfindən və külli miqdarda mənimsəmə) maddələrilə ittiham elan edilib, cinayət işi materialları baxılmaq üçün Bakı Ağır Cinayətlər Məhkəməsinə göndərilib.
Hər iki təqsirləndirilən şəxs əvvəlki cinayət işləri üzrə artıq həbs cəzası çəkir.
Əsasən Xəlilov 2017 – ci ildə Azərbaycan Beynəlxalq Bankından aldığı kreditin qaytarılmaması ittihamı ilə 13 il, bank rəhbəri və onun qohumu Cahangir Hacıyev isə 14,5 il müddətinə azadlıqdan məhrum edilib.
2019-cu ildə Xəlilov Hacıyev və onun qohumu ilə birlikdə iqtisadi cinayətlər törətməkdə ittiham olunaraq yenidən mühakumə edilib. Xəlilovun cəza müddəti 14,5 il, Hacıyevin cəza müddəti isə 16,5 ilədək uzadılıb.
Xəlilov "Globus Plaza" ofis mərkəzinin sahibi olub.
O həmçinin "Şəki bazarı" və "Şəki ət kombinatı" Azərbaycan Səhmdar Cəmiyyətini idarə edib, digər müəssisələrin sahibi olub.
Məhkəmə hökmlərinə əsasən, Xəlilov, Hacıyev və iş üzrə digər 20 fiqurant 4 milyard manatdan çox vəsaiti mənimsəyib. Hacıyev, Xəlilov və Cavadov ittihamları rədd ediblər.
İş üzrə digər fiqurantlar şərti cəza alıblar.03В06
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz