![president.az](https://turan.az/resized/750/500/resize/media/2021/main/101900039712.jpg)
president.az
İlham Əliyev Aİ-nin xüsusi nümayəndəsini və Slovakiya XİN başçısını qəbul edib
Bakı/19.10.21/Turan: Prezident İlham Əliyevin Aİ-nin Cənubi Qafqaz üzrə xüsusi nümayəndəsi Toivo Klaarla görüşündə Azərbaycan və Avropa İttifaqı arasında münasibətlərin inkişaf perspektivləri müzakirə olunub.
Prezidentin saytında yer alan məlumata görə, görüşdə Avropa İttifaqının Azərbaycanla əməkdaşlığın inkişafına önəm verdiyi vurğulanıb, Azərbaycanın Avropa İttifaqının etibarlı tərəfdaşı olduğu bildirilib.
Bundan başqa, bu ilin iyul ayında Avropa İttifaqı Şurasının Prezidenti Şarl Mişelin Azərbaycana səfərinə toxunularaq səfər zamanı Prezident İlham Əliyevlə Şarl Mişel arasında keçirilən görüşün Azərbaycan-Avropa İttifaqı əlaqələrinin inkişafına mühüm töhfə verdiyi qeyd olunub.
Toivo Aİ-nin regionda sabitliyin və sülhün möhkəmləndirilməsi, etimad mühitinin formalaşdırılması işinə töhfə verməyə hazır olduğunu vurğulayıb.
Həmçinin Şərq Tərəfdaşlığının qarşıdan gələn Zirvə toplantısı barədə fikir mübadiləsi aparılıb.
Elə bu gün prezident Əliyev Slovakiyanın xarici işlər naziri İvan Korçoku qəbul edib.
Söhbət zamanı Azərbaycan və Slovakiya və Aİ arasında əlaqələrin inkişafı məsələləri müzakirə olunub. Korçok Slovakiya şirkətlərinin Azərbaycanın işğaldan azad edilmiş ərazilərində bərpa və yenidənqurma işlərində iştirakda maraqlı olduqlarını bildirib. -06D-
-
- Siyasət
- 19 Oktyabr 2021 13:05
Siyasət
-
Azərbaycan Mərkəzi Seçki Komissiyasının məlumatına görə, saat 10.00-a olan məlumata görə, növbədənkənar parlament seçkilərində seçici fəallığı 9,92 faiz təşkil edib.
-
“Müsavat” partiyası seçki məntəqələrində “karusel” əməliyyatının kütləvi hal aldığını bəyan edib. Partiyann press-relizinə əsasən, 17 saylı seçki dairəsinin 24 saylı məntəqəsində hətta Bakı şəhərində deyil, respublikanın rayonlarında qeydiyyatda olan şəxslər səs verir. 8 saylı seçki dairəsinin 31 saylı məntəqəsində qeydiyyatda olmayan şəxslər müəyyən edilib.
-
Azərbaycan Prezidenti İlham Əliyev bu gün Serbiyanın xarici işlər naziri Marko Curiçi qəbul edib. Görüşdə Əliyev deyib ki, Serbiya Azərbaycanın dostu və strateji tərəfdaşıdır, - dövlət başçısının saytı xəbər verir.
-
Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Leyla Əliyeva 7 saylı Səbail seçki dairəsinin Bakı şəhərindəki 6 nömrəli tam orta məktəbdə yerləşən 1 saylı seçki məntəqəsində səs veriblər, - deyə dövlət başçısının saytı xəbər verir.
Seçki prosesi hiss olundumu? – Bəşir Süleymanlı Çətin sualda
Audio xəbər
Xəbər lenti
-
- Siyasət,
- 13:41
- 378
Rəy yaz