![Açiq mənbələrdən foto.](https://turan.az/resized/750/500/resize/media/2021/main/101900039713.jpg)
Açiq mənbələrdən foto.
Moskvada kommunikasiyaların açılması üzrə üçtərəfli komissiyanın iclası keçiriləcək
Bakı/19.10.21/Turan: 20-21 oktyabr tarixlərində Moskvada nəqliyyat kommunikasiyalarının açılması məsələləri üzrə Ermənistan, Rusiya və Azərbaycan üçtərəfli komissiyasının növbəti görüşü keçiriləcək. Bu barədə Ermənistan KİV-ləri Ermənistan baş nazirinin müavini Mqer Qriqoryana istinadla məlumat yayıb.
Onun sözlərinə görə, görüşdə dəmir yolu ilə bağlı məsələlər müzakirə olunacaq. “Proseslər MDB ölkələrinin tənzimləmə bazası çərçivəsində həyata keçiriləcək”, deyə o, qeyri-müəyyən şəkildə bildirib. Daha sonra o qeyd edib ki, Ermənistan bütün əlaqələrin tamamilə açılmasının tərəfdarıdır.
Azərbaycan tərəfi qarşıda duran görüş barədə heç bir məlumat verməyib.
Xatırladaq ki, Rusiya-Azərbaycan-Ermənistan üçtərəfli komissiyasına üç ölkənin baş nazir müavinləri rəhbərlik edir. Komissiya 11 yanvar 2021-ci il tarixli sazişin həyata keçirilməsi ilə məşğuldur. Bu sazişə əsasən regionda bütün kommunikasiyalar bərpa edilməlidir.
Azərbaycan Naxçıvan və Azərbaycanın qalan hissəsi arasındakı yolun dəhliz olduğuna israr etməyə başladıqdan sonra komissiyanın işi dayanmışdı. -02D-
-
- Siyasət
- 19 Oktyabr 2021 13:02
Siyasət
-
Azərbaycan Mərkəzi Seçki Komissiyasının məlumatına görə, saat 10.00-a olan məlumata görə, növbədənkənar parlament seçkilərində seçici fəallığı 9,92 faiz təşkil edib.
-
70 saylı Neftçala seçki dairəsindən deputatlığa namizəd, ictimai fəal Vəfa Nağı Qaçaqkənd kəndindəki 40 saylı seçki məntəqəsində fiziki zorakılığa məruz qaldığını bildirib.
-
Müsavat Partiyasının Seçki qərargahına seçki gününün ilk saatlarından qanun pozuntuları barədə məlumatlar da daxil olur.
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
Rəy yaz