İlham Əliyev: «Ermənistan ATƏT-in Minsk Qrupunun həmsədr ölkələrinin liderlərinin təşəbbüslərinə məhəl qoymur»

 Ermənistanın təxribatının qarşısı alınıb, Azərbaycan ordusu mühüm strateji mövqeləri tutub və düşmənlə təmas xəttində öz üstünlüyünü möhkəmlədib. Ötən axşam prezident İlham Əliyev aprelin 2-də cəbhədə vəziyyətlə bağlı Təhlükəsizlik Şurasının iclasında bildirib.

Onun sözlərinə görə, bir neçə gün öncə Ermənistanla sərhəddə Qazax rayonunda düşmən oxşar təxribat törədib. Erməni silahlı qüvvələrinin hücumları nəticəsində iki azərbaycanlı əsgər həlak olub.

“Bu gün Azərbaycan ordusu erməni ordusunun təxribatına layiqlı cavab verib. Biz düşmənə sarsıdıcı zərbə endirdik, düşmən böyük itki verdi. Bizim ordumuz mühüm strateji mövqeləri tutub. Azərbaycan düşmənlə təmas xəttində öz üstünlüyünü daha da möhkəmlətdi”, - İ.Əliyev bildirib.

O əlavə edib ki, gələcəkdə də düşmənin təxribatı cavabsız qalmayacaq.

Ermənistanın əsas məqsədi status-kvonun dəyişməz qalmasıdır.

2014-cü ildə Fransa prezidenti Olland təmas xəttində təhlükəsizlik, etimad tədbirlərinin gücləndirilməsi təşəbbüsü ilə çıxış etmişdi. Bundan dərhal sonra Ermənistan Ağdam istiqamətində hərbi təlimlərə başlamışdı.

“Mən də göstəriş vermişdim ki, biz təxribatlara uymayaq. Ancaq ondan sonra düşmən daha da azğınlaşıb, bizim mövqelərimizə hücum çəkib, hərbi helikopterləri işə salıb. Azərbaycan ordusu helikopterin birini məhv edib. Bu, Ermənistana lazım idi. Onların təxribatı idi. Lazım idi desinlər ki, Azərbaycan atəşkəsi pozur. Azərbaycan burada özünü aqressiv aparır”, - İ.Əliyev bildirib.

Onlar bu dəfə də eyni hərəkəti etdilər.

Odur ki, Azərbaycan atəşkəsi pozmayıb. “Biz təxribata layiqli cavab vermişik. Nə qədər ki Ermənistan bu təxribatçı əməllərdən əl çəkməyəcək, Azərbaycan ordusu onları bundan sonra da cəzalandıracaq”, - dövlət başçısı vurğulayıb.

Əfsuslar olsun ki, Minsk Qrupuna həmsədrlik edən ölkələrin dövlət başçılarının çoxsaylı bəyanatları Ermənistan rəhbərliyinə heç bir təsir göstərmir. Bu bəyanatlar ondan ibarətdir ki, ABŞ, Rusiya və Fransa dövlətlərinin başçıları dəfələrlə bildiriblər: status-kvo qəbuledilməzdir, dəyişməlidir və məsələ tezliklə öz həllini tapmalıdır.

“Bu yaxınlarda Rusiya prezidenti və Rusiyanın xarici işlər naziri digər həmsədrlərlə birlikdə müəyyən təkliflər irəli sürüblər. Biz bunu alqışlayırıq. Həm görüş əsnasında və rəsmi bəyanatlarda Azərbaycanın ərazi bütövlüyü ilə bağlı öz fikirlərini bildiriblər”, - dövlət başçısı qeyd edib.

ABŞ görüşləri göstərir ki, Amerika tərəfi münaqişənin tezliklə həllində  maraqlıdır.

“Bilirəm ki, Ermənistan rəhbərinə də müəyyən siqnallar, mesajlar veriilb. Yəni, son vaxtlar həmsədrlər, onların dövlətlərinin başçıları çalışırlar ki, məsələ həll olunsun. Nüvə sammiti hələ başa çatmamış Ermənistan bu çirkin təxribatı törədir, sülh prosesinə çox böyük zərbə vurur. Bundan istifadə etməyə çalışır ki, Azərbaycanı günahlandırsın”, - İ.Əliyev bildirib.06D--