İlham Əliyev Səudiyyə Ərəbistanına səfərə gəlib

Mayın 20-də Azərbaycan Respublikasının Prezidenti İlham Əliyev Ərəb-İslam-Amerika Sammitində iştirak etmək üçün Səudiyyə Ərəbistanı Krallığına səfərə gəlib. AZƏRTAC-ın xəbərinə görə, Ər-Riyad şəhərinin "King Salman Air Base" aeroportunda dövlətimizin başçısının şərəfinə fəxri qarovul dəstəsi düzülmüşdü.

Azərbaycan Prezidenti İlham Əliyevi Səudiyyə Ərəbistanının yüksək səviyyəli rəsmi şəxsləri qarşıladılar.

Ötən gün Ağ Ev bildirib ki, prezident Tramp "müsəlman aləmini ümumi düşmənə qarşı" birləşdirmək üçün Səudiyyə Ərəbistanına gedir.

"Səudiyyə Ərəbistanında islam liderləri ilə söhbət edəcəm və tələb edəcəm ki, onlar öz dinlərinin dinc gələcəyi üçün yol salmaqla ekstremizmə, nifrətə qarşı mübarizə aparsınlar", - Tramp vurğulayıb.

DW geyd edir ki, seçki kampaniyası zamanı Trampın söylədiyi antiislam fikirlərə rəğmən, müsəlman ölkələrinin liderləri demək olar ki, onunla görüş öncəsi ruh yüksəkliyi nümayiş etdirirlər.-0-