![Prezident İlham Əliyev.](https://turan.az/resized/media/2023/main/050300061773-750-500-resize.webp)
Prezident İlham Əliyev.
İlham Əliyev: “Yerevanın sülh müqaviləsinə Qarabağa dair bənd daxil etmək cəhdləri nəticəsizdir”
Bakı/03.05.23/Turan: "Əgər Ermənistan sülh istəmirsə, sülh olmayacaq, amma biz ümidimizi itirmirik". Bu barədə Azərbaycan prezidenti İlham Əliyev Azərbaycan və Ermənistan Xarici İşlər nazirlikləri rəhbərlərinin Vaşinqton danışıqlarını şərh edərkən deyib.
Çərşənbə günü Şuşada beynəlxalq konfransın iştirakçıları qarşısında çıxış edən prezident qeyd edib ki, Yerevanın son hərəkətləri göstərir ki, Ermənistan "hansısa möcüzə" ümidilə prosesi yenidən gərginləşdirməyə çalışır. Sülhün bağlanması Ermənistanın maraqlarına uyğundur ki, inkişaf etmək və normal yaşamaq imkanı əldə etsin.
Əgər Ermənistan yenidən sülh sazişindən imtina etsə, bu, onların seçimi olacaq. "Biz onlara sülh sazişinin dörd variantını təklif etdik və onlar öz şərhlərilə bizə qaytardılar. 40 gündən çoxdür ki, bizim son varianta cavab vermirlər, ancaq Vaşinqton görüşündən bir həftə öncə öz versiyalarını göndərdilər, mahiyyəti yenə də Azərbaycana qarşı ərazi iddialarıdır.
Rəsmi Bakı dəfələrlə və hər yerdə bəyan edib ki, dinc nizamlanma iki prinsip əsasında mümkündür: birincisi Ermənistanla Azərbaycan arasında münasibətlərin normallaşması, ikincisi rəsmi Bakının Qarabağın erməni əhalisilə əlaqələrinin qurulması.
Odur ki, mövcud olmayan Dağlıq Qarabağ respublikasını sülh müqaviləsinin mətninə daxil etmək cəhdi nəticəsizdir",-Əliyev deyib.
O, erməni tərəfinin konstruktiv olacağına ümid etdiyini bildirib. Əks təqdirdə, Bakı diplomatik tədbirlərdən başqa heç bir tədbir görməyəcək.
Prakikada bu, yeni geosiyasi reallıqda yaşamalı olacaq Ermənistanın daha da təcrid olunması deməkdir. 02B
-
- Maliyyə
- 3 May 2023 14:03
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz