İlham Əliyevin İtaliya səfərinin yekunları haqqında dedikləri
Bakı/22.02.20/Turan: Azərbaycan prezidentinin İtaliyaya dövlət səfəri zamanı 20-yə yaxın ikitərəfli sənəd imzalanıb. Onlar arasında Azərbaycan və İtaliya arasında strateji tərəfdaşlığın gücləndirilməsi haqqında Birgə Bəyannamə xüsusi yer tutur. Bu barədə Azərbaycan prezidenti İlham Əliyev Romada onun şərəfinə təşkil edilmiş təntənəli qəbul zamanı bildirib.
"Bu sənəd bir daha Azərbaycanın və İtaliyanın bir-birinin müstəqilliyini, suverenliyini, ərazi bütövlüyünü və beynəlxalq səviyyədə tanınmış sənədlərini dəstəklədiyini təsdiq edir. Sənəddə həmçinin Ermənistan-Azərbaycan Dağlıq Qarabağ münaqişəsinin bu prinsiplər əsasında nizamlanması ilə bağlı birmənalı mövqe əksini tapıb", deyə Əliyev bildirib.
İqtisadi əməkdaşlığa toxunan Əliyev İtaliya ilə qarşılıqlı ticarət mübadiləsinin artdığını, 2019-cu ildə 6 milyard dollar təşkil etdiyini qeyd edib. İtaliyada istehlak olunan neftin 17%-i Azərbaycandan idxal olunur. İki ölkə Avropanın ən böyük infrastruktur layihələrindən birinin - Cənub Qaz Dəhlizi layihəsinin həyata keçirilməsində də sıx əməkdaşlıq edir. Bu layihənin son seqmenti - TAP qaz kəməri tezliklə işə salınacaq, deyə Əliyev bildirib. -02D-
-
- Mədəniyyət
- 22 Fevral 2020 12:10
-
- Siyasət
- 22 Fevral 2020 18:49
Siyasət
-
Azərbaycan və Ermənistan XİN başçılarının görüşü mayın 10-da Almatıda keçiriləcək.
-
Mayın 4-də Bakının Əmircan qəsəbəsindək Səttar Bəhlulzadə adına Mədəniyyət Evində Müsavat Partiyasının XI Qurultayı açılıb. Qurultayda 300-dən çox nümayəndə iştirak edib.
-
Bu gün Azərbaycan prezidenti İlham Əliyev Xankəndi Şəhər Prokurorluğunun yaradılması haqqında sərəncam imzalayıb.
-
Konqresmen-demokrat Henri Kuelyar və onun həyat yoldaşı İmeldaya qarşı Azərbaycanın dövlət energetika şirkətindən 600 min dollara yaxın məbləğdə rüşvət almaq ittihamı irəli sürülüb, xəbəri New York Tomes yayıb.
Rəy yaz