İlham Əliyevin mətbuat katibi Amerikanın seçki sistemini tənqid edib
Statusuna baxmayaraq, KİV-də şərhlərlə çox nadir hallarda çıxış edən Azərbaycan prezidentinin mətbuat katibi Azər Qasımov ATƏT DTİHB missiyasının Azərbaycanda 9 oktyabr prezident seçkiləri zamanı ciddi pozuntular haqqında mənfi rəyinə reaksiya verib.
Belə ki, “Amerikanın səsi” radiostansiyasına müsahibəsində Qasımov bu sənədi “qərəzli və qeyri-obyektiv” adlandırıb.
Qasımov ATƏT DTİHB-nin bəyanatında “Avropa Parlamenti, AŞPA, İslam Əməkdaşlıq Təşkilatı, MDB və bir sıra digər təşkilatların və dövlətlərin müşahidə missiyalarının rəylərinin nəzərə alınmamasından” gileylənib.
“Hətta ABŞ-ın xeyli sayda senator və konqresmenləri də seçkilərin tam şəffaf keçirilməsi ilə bağlı öz fikirlərini söyləyiblər”, deyə Qasımov bildirib.
Dövlət Departamentinin ATƏT DTİHB-nin qiymətləndirmələrinə verdiyi dəstəklə bağlı şərh verən Qasımov ABŞ-ın özündə seçkiləri və Amerikanın seçki sistemini tənqid edib. Onun sözlərinə görə, ABŞ-ın seçki sistemində arxaik, mənən köhnəlmiş prosedurlar var.
Vaşinqtonun qiymətləndirmələrinin ikitərəfli münasibətlərə necə təsir edəcəyi barədə suala cavabda Qasımov bu qiymətlərin Azərbaycan ictimai rəyində mənfi reaksiyaya səbəb olacağını bildirib. -16В/03-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz