Bakı/15.01.19/Turan: Azərbaycan prezidenti İlham Əliyev yanvarın 15-də Bakıda səfərdə olan Fransanın sabiq prezidenti Nikolya Sarkozini qəbul edib.
Söhbət zamanı qeyd edilib ki, 2007-2012-ci illərdə Nikolya Sarkozinin Fransa prezidenti olduğu dövrdə ikitərəfli münasibətlər dinamik şəkildə inkişaf edib.
Əliyev və Sarkozi həmin vaxtlar keçirilən görüşlərini məmnunluqla yada salıblar. Qeyd edilib ki, təhsil sahəsində əməkdaşlığın yeni çərçivələri məhz onların səyləri sayəsində mümkün olub.
Həmin illərdə yüksək səviyyədə siyasi əlaqələrin möhkənlənməsi nəticəsində Azərbaycanda bir çox Fransa şirkətləri fəaliyyətə başladı və ya öz fəaliyyətini genişləndirdi.
Nikolya Sarkozi ona qarşı göstərilən qonaqpərvərliyə görə minnətdarlığını bildirib. Prezident İlham Əliyev öz növbəsində Nikolya Sarkozini yenidən Azərbaycanda görməsindən şad olduğunu bildirib, bu barədə prezidentin saytında dərc edilmiş məlumatda bildirilir. -06D-
Siyasət
-
Azərbaycan vətəndaşı Fərid Səfərli İran həbsxanasından azad edilərək ölkəsinə qaytarılıb.
-
Hazırda 1 saylı Bakı İstintaq Təcridxanasında saxlanılan “III Respublika Platforması”nın (ResPlatforma) spikeri Akif Qurbanov ailəsinə məxsus əmlaka həbs qoyulması ilə bağlı açıqlama yayıb. Açıqlama Qurbanova məxsus olduğu bildirilən facebook səhifəsində dərc edilib.
-
Azərbaycan Xalq Cəbhəsi Partiyasının fəalı Niyaməddin Əhmədov həbs cəzası çəkdiyi 7 saylı penitensiar müəssisədə aclıq elan edib. Bu barədə Azərbaycan Xalq Cəbhəsi Partiyasının məlumatında deyilir. Aclığa səbəb Əhmədovun karserə salınmasıdır.
-
Yanvarın 19-da Avropa İttifaqının Azərbaycandakı nümayəndə heyətinin rəhbəri Peter Mixalko və Avropa İttifaqı ölkələrinin səfirləri faciəvi hadisələrin 35-ci ildönümündə "Qara yanvar" qurbanlarının xatirəsini yad etmək üçün Şəhidlər Xiyabanını ziyarət ediblər.
Rəy yaz